ହାଇଦ୍ରାବାଦ: ଟାଇଗର ଶ୍ରଫ ଆଗାମୀ ଚଳଚ୍ଚିତ୍ର 'ଗଣପଥ-ଏ ହିରୋ ଇଜ ବର୍ନ' ସହ ଧମାକା କରିବାକୁ ଯାଉଛନ୍ତି । ଆଜି ଗଣେଶ ଚତୁର୍ଥୀ ଅବସରରେ ଫିଲ୍ମର ନୂଆ ପୋଷ୍ଟର ରିଲିଜ କରିଛନ୍ତି ନିର୍ମାତା । ପୋଷ୍ଟର ସହ ଫିଲ୍ମ ରିଲିଜ ତାରିଖ ବି ଘୋଷଣା କରାଯାଇଛି । ଏହି ଫିଲ୍ମ ଚଳିତ ବର୍ଷ ଦଶହରା ଅବସରରେ ଅର୍ଥାତ୍ ଅକ୍ଟୋବର 20ରେ ରିଲିଜ ହେବ ।
ନିର୍ମାତା ନିଜ ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ସେୟାର କରି ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି । ଏହି ଫିଲ୍ମରେ ଟାଇଗର ଶ୍ରଫ୍, କ୍ରିତି ସାନନ୍ ଏବଂ ସଦିର ମହାନାୟକ ଅମିତାଭ ବଚ୍ଚନଙ୍କୁ ଦେଖିବାକୁ ମିଳିବ । ଏହି ଏହି ପଟୋ ସେୟାର କରି ନିର୍ମାତା କ୍ୟାପସନରେ ଲେଖିଛନ୍ତି, ଯେତେବେଳେ ବାପ୍ପାଙ୍କ ହାତ ତାଙ୍କ ଉପରେ ରହିଛି, ତାଙ୍କୁ କେହି ଅଟକାଇପାରିବ ନାହିଁ । ଏକ ନୂଆ ଦୁନିଆ ଆରମ୍ଭ କରିବାକୁ ଆସୁଛି ଗଣପଥ । ଏହି ପ୍ୟାନ୍ ଇଣ୍ଡିଆ ଫିଲ୍ମ ହିନ୍ଦୀ, ତେଲୁଗୁ, ତାମିଲ, ମାଲାୟାଲମ ଏବଂ କନ୍ନଡ଼ ଭାଷାରେ ଦଶହରା ଅକ୍ଟୋବର 20ରେ ପ୍ରେକ୍ଷାଳୟରେ ରିଲିଜ ହେବ। ଫିଲ୍ମର ପୋଷ୍ଟରରେ ଟାଇଗରଙ୍କ ବାମ ହାତରେ ନିଆଁ ଲାଗିଥିବା ଏକ ଲାଲ୍ ବ୍ୟାଣ୍ଡେଜ୍ ଗୁଡ଼ାଇଥିବା ସହ ଡେରିଂ ଅନ୍ଦାଜରେ ଦେଖିବାକୁ ମିଳିଛି । ତେବେ ଅଭିନେତାଙ୍କ ମସଲ୍ ଦେଖି ପ୍ରଶଂସକମାନେ ଦିୱାନା ହୋଇଛନ୍ତି ।
ଫିଲ୍ମରୁ ଟାଇଗରଙ୍କ ପୋଷ୍ଟର ସେୟାର ହେବା ମାତ୍ରେ ଏହା ସୋସିଆଲ ମିଡିଆରେ ଭାଇରାଲ ହୋଇଥିଲା । ସମସ୍ତେ ଟାଇଗରଙ୍କ ଏହି ରିଭେଞ୍ଜ୍ ଲୁକ୍ର ପ୍ରଶଂସା କରୁଛନ୍ତି । ଏହି ପୋଷ୍ଟରରେ ମନ୍ତବ୍ୟ ଦେଇ ବଲିଉଡ ଅଭିନେତା ରିତେଶ ଦେଶମୁଖ ‘କଡ଼କ’ ଲେଖିଛନ୍ତି । ଟାଇଗରଙ୍କ ମା' ଆଇଶା ଶ୍ରଫ ପ୍ରତିକ୍ରିୟା ଦେଇ ପୁଅର ପ୍ରଶଂସା କରିଛନ୍ତି । ସେ କ୍ୟାପସନରେ ଲେଖିଛନ୍ତି, ଭେରି ଗୁଡ୍ । ଅନ୍ୟ ପ୍ରଶଂସକମାନେ ମଧ୍ୟ ଅଭିନେତାଙ୍କ ଲୁକ୍କୁ ପ୍ରଶଂସା କରି ପ୍ରତିକ୍ରିୟାରେ ଲାଲ ହାର୍ଟ ଏବଂ ଫାୟାର ଇମୋଜି ସେୟାର କରିଛନ୍ତି । ଟାଇଗରଙ୍କ ଏହି ଚଳଚ୍ଚିତ୍ର ଆସନ୍ତା ମାସରେ ଦଶହରା ଅବସରରେ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: ଏହି ଫିଲ୍ମରେ ଏକାଠି ନଜର ଆସିବେ ଟାଇଗର ଏବଂ ଜାହ୍ନବୀ, କେବେ ଫିଲ୍ମର ସୁଟିଂ ଆରମ୍ଭ ? ଜାଣନ୍ତୁ
ଏଥିସହ ଟାଇଗରଙ୍କୁ ଫିଲ୍ମ 'ବଡେ ମିୟାଁ ଛୋଟେ ମିୟାଁ'ରେ ଦେଖିବାକୁ ମିଳିବ। ଏହି ଫିଲ୍ମରେ ସେ ପ୍ରଥମ ଥର ପାଇଁ ଖିଲାଡି ଷ୍ଟାର ଅକ୍ଷୟ କୁମାରଙ୍କ ସହ ନଜର ଆସିବେ । 2024 ଇଦ୍ରେ ଏହି ଫିଲ୍ମ ରିଲିଜ ହେବା ନେଇ ସୂଚନା ମିଳିଛି । ଏହି ଫିଲ୍ମରେ ଅକ୍ଷୟ,ଟାଇଗରଙ୍କ ବ୍ୟତୀତ ମାଲାୟାଲମ୍ ତାରକା ପ୍ରୀତିରାଜ ସୁକୁମାରନ, ଅଭିନେତ୍ରୀ ସୋନାକ୍ଷୀ ସିହ୍ନା, ମାନୁଶି ଚିଲାର୍ ଏବଂ ଆଲାୟା ଏଫଙ୍କୁ ବି ଏହି ଫିଲ୍ମରେ ଦେଖିବାକୁ ମିଳିବ। ଅଲି ଅବ୍ବାସ ଜାଫର 'ବଡେ ମିୟାଁ ଛୋଟେ ମିୟାଁ' ନିର୍ଦ୍ଦେଶନା ଦେଇଥିବା ବେଳେ ବାଶୁ ଭାଗ୍ନାନୀ ଏବଂ ଜ୍ୟାକି ଭାଗ୍ନାନୀ ଦ୍ବାରା ପୂଜା ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ହୋଇଛି । ଏହି ଫିଲ୍ମ ହିନ୍ଦୀ, ତେଲୁଗୁ ଓ ତାମିଲ, କନ୍ନଡ ଏବଂ ମାଲାୟାଲମ ଭାଷାରେ ରିଲିଜ ହେବ ।
