ମୁମ୍ବାଇ: ସନ୍ନି ଦେଓଲ ଏବଂ ଅମିଶା ପଟେଲ ଷ୍ଟାରର 'ଗଦର ୨' ଭାରତୀୟ ବକ୍ସ ଅଫିସରେ ଧମାଲ ମଚାଉଛି । ଫିଲ୍ମ ରିଲିଜ୍ ହେବାର 10 ଦିନ ବିତିଗଲାଣି, ଏହା ପରେ ବି ଫିଲ୍ମର କ୍ରେଜ୍ କମି ନାହିଁ । କେବଳ କ୍ରେଜ୍ ନୁହେଁ ଜବରଦସ୍ତ କଲେକ୍ସନ ମଧ୍ୟ କରୁଛି । ଏପଟେ 'ଗଦର ୨' ସହିତ ମୁକ୍ତିଲାଭ କରିଥିବା ଅକ୍ଷୟ କୁମାରଙ୍କ ଅଭିନୀତ 'ଓଏମ୍ଜି 2' ମଧ୍ୟ ବକ୍ସ ଅଫିସରେ ଭଲ ରୋଜଗାର କରୁଛି । ଉଭୟ ଚଳଚ୍ଚିତ୍ରର କଲେକ୍ସନକୁ ଦେଖିଲେ ସପ୍ତାହ ଶେଷରେ ଏକ ଜବରଦସ୍ତ ଜମ୍ପ କରିଛି । ଆସନ୍ତୁ ଜାଣିବା, ରିଲିଜ୍ ହେବାର ଦଶମ ଦିନରେ 'ଗଦର 2' ଏବଂ ‘ଓଏମ୍ଜି 2’ କେତେ କୋଟି ବ୍ୟବସାୟ କରିଛି ।
ରିଲିଜ୍ ହେବାର ଦଶମ ଦିନରେ 'ଗଦର 2'ର ରୋଜଗାର
'ଗଦର ୨' ପ୍ରଥମ ଦିନରୁ ଦର୍ଶକଙ୍କ ଦିଲ୍ରେ ରାଜ୍ କରୁଛି । ଫିଲ୍ମରେ ତାରା ଏବଂ ସକିନାଙ୍କ ଯୋଡିକୁ ପୁଣି ଥରେ ବଡ ପରଦାରେ ଦେଖି ପ୍ରଶଂସକମାନେ ଖୁସି ହୋଇଯାଇଛନ୍ତି । ଏହି ଚଳଚ୍ଚିତ୍ରଟି ପ୍ରେକ୍ଷାଳୟରେ ମଧ୍ୟ ବହୁ ଦର୍ଶକଙ୍କୁ ଆକର୍ଷିତ କରୁଛି । ସାକନିଲ୍କର ରିପୋର୍ଟ ଅନୁଯାୟୀ, ‘ଗଦର 2' ଶନିବାର ଦିନ 31.07 କୋଟି ବ୍ୟବସାୟ କରିଥିଲା । ଦଶମ ଦିନରେ ଏହା 41 କୋଟି ଟଙ୍କା କଲେକ୍ସନ କରିଛି । ତେବେ ଫିଲ୍ମର ମୋଟ ଆୟ ବର୍ତ୍ତମାନ 377.20 କୋଟି ଟଙ୍କାକୁ ବୃଦ୍ଧି ପାଇଛି ।
ଏହା ମଧ୍ୟ ପଢନ୍ତୁ: Gadar 2 vs OMG 2: 2ୟ ସପ୍ତାହ ବି ଗଦର 2ର ବମ୍ପର କଲେକ୍ସନ ଜାରି, 100 କୋଟି କ୍ଲବରେ ଓଏମଜି 2
‘ଗଦର ୨' ଏହି ଚଳଚ୍ଚିତ୍ରର ରେକର୍ଡ ଭାଙ୍ଗିଛି
'ଗଦର 2' 'ବାହୁବଲୀ 2 - ଦ କନ୍ଫ୍ୟୁଜନ୍'ର ରେକର୍ଡ ଭାଙ୍ଗିଛି, ଯାହା ଦ୍ୱିତୀୟ ରବିବାରରେ 34.5 କୋଟି ରୋଜଗାର କରିଥିଲା । ଏହା ସହିତ 'ଗଦର ୨' ଅନେକ ଚଳଚ୍ଚିତ୍ରର ଲାଇଫଟାଇମ୍ କଲେକ୍ସନକୁ ପଛରେ ପକାଇ ଦେଇଛି । ଏଥିମଧ୍ୟରେ ସଞ୍ଜୁ 342.53 କୋଟି, ପି.କେ 340.8 କୋଟି ଏବଂ ଟାଇଗର ଜିନ୍ଦା ହୈ 339.16 କୋଟି ଟଙ୍କା ରହିଛି । ଏହା ସହିତ 'ଗଦର ୨' 5ମ ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ହୋଇପାରିଛି ।
ରିଲିଜ୍ ହେବାର ଦଶମ ଦିନରେ ଅକ୍ଷୟ କୁମାରଙ୍କ 'ଓଏମ୍ଜି 2 ' ମଧ୍ୟ ବହୁତ ଭଲ ରୋଜଗାର କରୁଛି । ଏହି ସପ୍ତାହ ଶେଷରେ 'ଓଏମ୍ଜି 2'ର ରୋଜଗାରରେ ମଧ୍ୟ ଏକ କମାଲ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରଟି ଶନିବାର ଦିନ 74.63 ପ୍ରତିଶତ ଜମ୍ପ ସହିତ 10.53 କୋଟି କଲେକ୍ସନ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଏଥି ସହିତ, ଫିଲ୍ମ ରିଲିଜ୍ ହେବାର ଦଶମ ଦିନରେ ଅର୍ଥାତ୍ ରବିବାରର ରୋଜଗାର ପ୍ରାରମ୍ଭିକ ଆକଳନ ଠାରୁ ମଧ୍ୟ ଆଗରେ ଅଛି ।
ସାକନିଲ୍କଙ୍କ ରିପୋର୍ଟ ଅନୁଯାୟୀ ଅକ୍ଷୟ କୁମାରଙ୍କ ଫିଲ୍ମ ରିଲିଜ୍ ହେବାର ଦଶମ ଦିନରେ ଅର୍ଥାତ୍ ରବିବାର ଦିନ 12.70 କୋଟି କଲେକ୍ସନ କରିଛି । ଏହା ସହିତ ଅକ୍ଷୟଙ୍କ ଫିଲ୍ମ 114.31 କୋଟି ଟଙ୍କା କଲେକ୍ସନ କରିଛି । ତେବେ ଆଗାମୀ ଦିନରେ ଫିଲ୍ମଟି 150 କୋଟି କ୍ଲବରେ ସହଜରେ ଏଣ୍ଟ୍ରି କରିବ ବୋଲି ଆଶା କରାଯାଉଛି ।
