ହାଇଦ୍ରାବାଦ: ଆଜି ସୁପରଷ୍ଟାର ରଜନୀକାନ୍ତଙ୍କ ଜନ୍ମଦିନ । 72 ବର୍ଷ ପୁରୀ 73 ବର୍ଷରେ ପାଦ ଥାପିଛନ୍ତି ରଜନୀକାନ୍ତ । ସୋସିଆଲ ମିଡିଆରେ ଜୁନିଅର ଏନଟିଆର, କମଲ ହାସନ, ଅନୀଲ କପୁର, ତାଙ୍କ ଝିଅ ଐଶ୍ବର୍ଯ୍ୟାଙ୍କ ପୂର୍ବତମ ସ୍ବାମୀ ତଥା ଅଭିନେତା ଧନୁଷ ଏବଂ ଅନ୍ୟାନ୍ୟ ସେଲିବ୍ରିଟି ଅଭିନେତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ଏଥିସହ ଅନେକ ପ୍ରଡକ୍ସନ ହାଉସ ଏବଂ ଫ୍ୟାନ୍ସ ମଧ୍ୟ ଥଲାଇଭାଙ୍କୁ ଶୁଭକାମନା ଜଣାଇଛନ୍ତି ।
ରଜନୀକାନ୍ତଙ୍କ ଝିଅ ଐଶ୍ବର୍ଯ୍ୟାଙ୍କ ପୂର୍ବତମ ସ୍ବାମୀ ତଥା ଅଭିନେତା ଧନୁଷ ଏକ୍ସରେ ଏକ ପୋଷ୍ଟ ସେୟାର କରିଛନ୍ତି । ସେ ଲେଖିଛନ୍ତି, "ଜନ୍ମଦିନର ଶୁଭେଚ୍ଛା ଥଲାଇଭା ରଜନୀକାନ୍ତ ।' ସେହିପରି ଜୁନିଅର ଏନଟିଆର ଏକ୍ସରେ ପୋଷ୍ଟ କରି ଲେଖିଛନ୍ତି, 'ଥଲାଇଭା ରଜନୀକାନ୍ତ ସାର୍ ଜନ୍ମଦିନର ଅନେକ ଶୁଭେଚ୍ଛା । ଆପଣଙ୍କ ଜଲୱା ଏମିତି ଆଗକୁ ଆହୁରି ଜାରି ରଖି ଆଗାମୀ ପିଢିକୁ ପ୍ରେରଣା ଦେଉଥାନ୍ତୁ ।'
ସେହିପରି ଅଭିନେତା ରାଘବ ଲରେନ୍ସ ଏକ୍ସରେ ରଜନୀକାନ୍ତଙ୍କ ସହ ଏକ ଫଟୋ ସେୟାର କରି ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସେ କ୍ୟାପସନରେ ଲେଖିଛନ୍ତି, ହାପି ବର୍ଥଡେ ଥଲାଇଭା । ଆପଣଙ୍କ ସୁସ୍ଥ ଜୀବନ ପାଇଁ ମୁଁ ରାଘବେନ୍ଦ୍ର ସ୍ବାମୀଙ୍କ ନିକଟରେ ପ୍ରାର୍ଥନା କରୁଛି । ଗୁରୁବେ ଶରଣମ । ସେପଟେ ବଲିଉଡ ଅଭିନେତା ଅନୀଲ କପୁର ମଧ୍ୟ ଉଭୟଙ୍କ ଫିଲ୍ମର ଏକ ଫଟୋ ସେୟାର କରିଛନ୍ତି ଏବଂ ଲେଖିଛନ୍ତି, 'ରଜନୀକାନ୍ତଙ୍କୁ ଜନ୍ମଦିନ ଶୁଭେଚ୍ଛା । ସବୁବେଳେ ଆତ୍ମବିଶ୍ବାସ ଭରି ରହିଥିବା ଜଣେ ଅସାଧାରଣ ମଣିଷ ରଜନୀକାନ୍ତ ଆପଣ ସର୍ବଦା ଇଣ୍ଡଷ୍ଟ୍ରିରେ ଏପରି ପ୍ରେରଣାଦାୟୀ ହୋଇ ରୁହନ୍ତୁ ।'
ଅଭିନେତ୍ରୀ ତମନ୍ନା ଭାଟ୍ଟିଆ ମଧ୍ୟ ଥଲାଇବାଙ୍କ ଶୁଭକାମନା ଜଣାଇଛନ୍ତି । ସେ ଇନଷ୍ଟା ଷ୍ଟୋରୀରେ ଉଭୟଙ୍କ ଏକ ପୋଷ୍ଟ ସେୟାର କରି ଲେଖିଛନ୍ତି, ଜନ୍ମଦିନ ଶୁଭେଚ୍ଛା ରଜନୀ ସାର୍ । ସୂଚନା ଥାଉ କି, ଜେଲର ଫିଲ୍ମରେ ରଜନୀକାନ୍ତଙ୍କ ସହିତ ନଜର ଆସିଥିଲେ ତମନ୍ନା । ଏହି ଫିଲ୍ମରେ ଉଭୟଙ୍କ 'କାବାଲୀ' ଗୀତ ବେଶ ଲୋକପ୍ରିୟ ହୋଇଥିଲା । ଏପରିକି ତମନ୍ନାଙ୍କ ହୁକ୍ ଷ୍ଟେପ ସୋସିଆଲ ମିଡିଆରେ ଟ୍ରେଣ୍ଡିଂ କରିଥିଲା । ଏହି ଫିଲ୍ମ ରଜନୀକାନ୍ତଙ୍କ ସର୍ବାଧିକ ଆୟ କରିଥିବା ସଫଳ ଫିଲ୍ମ ମଧ୍ୟରୁ ଗୋଟିଏ ।
ଏହା ମଧ୍ୟ ପଢନ୍ତୁ: ସହ ତାରକା ଭାବେ କ୍ୟାରିୟର ଆରମ୍ଭ କରିଥିଲେ ରଜନୀକାନ୍ତ; ଏବେ ବକ୍ସ ଅଫିସ ବାଦଶାହା
ରଜନୀକାନ୍ତଙ୍କ ଆଗାମୀ ଫିଲ୍ମ କଥା କହିବାକୁ ଗଲେ, ବର୍ତ୍ତମାନ ଥଲାଇଭା ଟିଜେ ଜ୍ଞାନବେଲଙ୍କ ନିର୍ଦ୍ଦେଶିତ ଆଗାମୀ ଫିଲ୍ମ ଥଲାଇୱାର ୧୭୦ରେ ନଜର ଆସିବେ । ଏଥିରେ ତାଙ୍କ ସହ ବିଗ ବି' ମଧ୍ୟ ନଜର ଆସିବେ । ଏଥିସହ ରଜନୀକାନ୍ତଙ୍କୁ ତାଙ୍କ ଝିଅ ଐଶ୍ବର୍ଯ୍ୟାଙ୍କ ନିର୍ଦ୍ଦେଶିତ ଫିଲ୍ମ 'ଲାଲ ସଲାମ'ରେ କ୍ୟାମିଓ ରୋଲରେ ଦେଖିବାକୁ ମିଳିବ । ଏଥିସହ 'ଲିଓ' ନିର୍ଦ୍ଦେଶକ ଲୋକେଶ କନଗରାଜଙ୍କ ସହ ରଜନୀକାନ୍ତଙ୍କ ପରବର୍ତ୍ତୀ ଫିଲ୍ମ 'ଥଲାଇଭର 171'ରେ ମଧ୍ୟ ନଜର ଆସିବେ ।
