ମୁମ୍ବାଇ: ଚଳଚ୍ଚିତ୍ର ନିର୍ଦ୍ଦେଶକ ରାମ ଗୋପାଳ ବର୍ମାଙ୍କ ବିରୋଧରେ ଠକେଇ ମାମଲା ରୁଜୁ ହୋଇଛି। ଶେଖର ଆର୍ଟ କ୍ରିଏସନର ମାଲିକ କୋପ୍ପଡା ଶେଖର ରାଜୁ ରାମ ଗୋପାଳଙ୍କ ବିରୋଧରେ ପୋଲିସ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଉପରେ ମିଆପୁର ପୋଲିସ ଏକ ପ୍ରଡକ୍ସନ୍ ହାଉସକୁ 56 ଲକ୍ଷ ଟଙ୍କା ଠକେଇ ଅଭିଯୋଗରେ ଏକ ମାମଲା ରୁଜୁ କରିଛି। 'ଆଶା ଏନକାଉଣ୍ଟର' ରାମ ଗୋପାଳ ବର୍ମାଙ୍କ ନିର୍ଦ୍ଦେଶିତ ଏକ ଚଳଚ୍ଚିତ୍ର। 2019 ରେ ହାଇଦ୍ରାବାଦ ଅଞ୍ଚଳରେ ଘଟିଥିବା ହତ୍ୟାକାଣ୍ଡର ପ୍ରକୃତ କାହାଣୀ ଉପରେ ଆଧାର କରି ଆରଜିଭି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି।
ଏହି ଚଳଚ୍ଚିତ୍ର ହତ୍ୟାକାଣ୍ଡର ଅଭିଯୁକ୍ତର ବ୍ୟାକଗ୍ରାଉଣ୍ଡ ଉପରେ ଆଧାରିତ । ତେବେ ଫିଲ୍ମ ନିର୍ମାଣ ପାଇଁ ବର୍ମା ତାଙ୍କଠାରୁ ଟଙ୍କା ନେଇଥିବା ଶେଖର ରାଜୁ ଦାବି କରିଛନ୍ତି। ଶେଖର କହିଛନ୍ତି ଯେ ଆରଜିଭି ତିନୋଟି ସର୍ତ୍ତାବଳୀରେ (2020 ରେ) 8 ଲକ୍ଷ, 20 ଲକ୍ଷ ଏବଂ 28 ଲକ୍ଷ ନେଇଥିଲେ। 'ଆଶା ଏନକାଉଣ୍ଟର' ରିଲିଜ୍ ପୂର୍ବରୁ ସେ ଟଙ୍କା ଫେରସ୍ତ କରିବେ ବୋଲି RGV ଆଶ୍ବାସନା ଦେଇଛନ୍ତି ।
ସେ କହିଛନ୍ତି ଯେ, ସେ ଧର୍ମେନ୍ଦ୍ରଙ୍କ ବିରୋଧରେ ଅଭିଯୋଗ ଆଣିଛନ୍ତି କାରଣ ସେ ଜାଣିବାକୁ ପାଇଛନ୍ତି ଯେ ତାଙ୍କୁ ଧୋକା ଦିଆଯାଇଛି। ବର୍ମା ଫିଲ୍ମ 'ଆଶା ଏନକାଉଣ୍ଟର'ର ନିର୍ମାତା ନୁହଁନ୍ତି। ରାଜୁ କିଛି ବର୍ଷ ପୂର୍ବେ ଜଣେ ସାଧାରଣ ବନ୍ଧୁ ରାମନା ରେଡ୍ଡୀଙ୍କ ମାଧ୍ୟମରେ ଆରଜିଭିଙ୍କୁ ଭେଟିଥିଲେ। ଏହା ପରେ ସେ ଠକାମୀର ଶିକାର ହୋଇଥିଲେ। ଅଭିଯୋଗକୁ ଭିତ୍ତି କରି ସିଆର୍ପିସିର ଧାରା 406, 417, 420, 506 ଅନୁଯାୟୀ RGV ବିରୋଧରେ ଏକ ମାମଲା ରୁଜୁ ହୋଇଛି। ଏହା ସହିତ ତଦନ୍ତ ଚାଲିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
