ମୁମ୍ବାଇ: ବଲିଉଡ ଅଭିନେତ୍ରୀ ତାପସୀ ପନ୍ନୁ ତାଙ୍କ ରୁମର୍ ପ୍ରେମିକ ମାଥିଆସଙ୍କ ସହ ଡେଟିଂକୁ ନେଇ ଅନେକ ବର୍ଷ ଧରି ଶିରୋନାମାରେ ରହି ଆସିଛନ୍ତି । ଅଭିନେତ୍ରୀ ସେମାନଙ୍କ ସମ୍ପର୍କ ବିଷୟରେ କୌଣସି ପ୍ରତିକ୍ରିୟା ଦେଉନଥିବା ବେଳେ ଉଭୟଙ୍କୁ ପ୍ରାୟତଃ ଏକାଠି ଦେଖିବାକୁ ମିଳିଛି । ଦୁହେଁ ପ୍ରାୟତଃ ଛୁଟିଦିନର ଫଟୋ ସୋସିଆଲ ମିଡିଆରେ ସେୟାର କରନ୍ତି । ପରସ୍ପରର ଜନ୍ମଦିନ ପାର୍ଟୀରେ ମଧ୍ୟ ନଜର ଆସିଥାଆନ୍ତି । ବର୍ତ୍ତମାନ ତାପସୀ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ପୁଣି ନିଜ ପ୍ରେମିକଙ୍କ ସହ ନଜର ଆସିଛନ୍ତି ।
ତାପସୀ ପନ୍ନୁ ନିଜ ଇନ୍ଷ୍ଟାଗ୍ରାମରେ କିଛି ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କୁ ତାଙ୍କ ପ୍ରେମିକ ମାଥିଆସ ଏବଂ ଭଉଣୀ ଶଗୁନ୍ ପନ୍ନୁଙ୍କ ସହ ଦେଖିବାକୁ ମିଳିଛି । ସୂଚନା ଅନୁସାରେ, ମୁମ୍ବାଇର ଏକ ରେଷ୍ଟୁରାଣ୍ଟରେ ପ୍ରେମିକ ଏବଂ ଉଭଣୀ ସହ ଲଞ୍ଚ୍ ଡେଟ୍ କରିଛନ୍ତି ତାପସୀ । ତାପସୀ ତାଙ୍କ ଇନ୍ଷ୍ଟା ଷ୍ଟୋରୀରେ ତାଙ୍କ ଆଉଟିଂର ଅନେକ ଫଟୋ ମଧ୍ୟ ସେୟାର କରିଛନ୍ତି । ଫଟୋଗୁଡ଼ିକରେ, ତାପସୀ ଏକ ପିଚ୍ ରଙ୍ଗର ସାଲୱାର ସୁଟ୍ ପିନ୍ଧିଛନ୍ତି, ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଛନ୍ତି । ଅଭିନେତ୍ରୀ ଫଟୋ ସେୟାର କରି କ୍ୟାପ୍ସନରେ ଲେଖିଛନ୍ତି, 'ବିଶେଷ ଦିନ, ବିଶେଷ ଲୋକ, ବିଶେଷ ସ୍ଥାନ । ସେହିପରି ତାପସୀ ଭଉଣୀ ଶଗୁନ୍ ପନ୍ନୁ ସେଲଫି ଫଟୋ ସେୟାର କରିଛନ୍ତି, ଯେଉଁଥିରେ ଉଭୟ ସ୍ମାଇଲ କରୁଥିବା ନଜର ଆସିଛନ୍ତି। ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ଆଜି ଏକ ବିଶେଷ ଦିନ।
ଏହା ମଧ୍ୟ ପଢନ୍ତୁ: Thomas Cup Badminton: ବୟଫ୍ରେଣ୍ଡ ମାଥିଆସଙ୍କୁ ପ୍ରଶଂସାରେ ପୋତିଲେ ତାପସୀ
ସୂଚନା ଅନୁସାରେ, 2020 ମସିହାରେ ତାପସୀ ଏବଂ ତାଙ୍କ ପ୍ରେମିକା ମାଥିଆସଙ୍କ ଡେଟିଂ ଖବର ସାମ୍ନାକୁ ଆସିଥିଲା । ମାଳଦ୍ୱୀପ ଭ୍ୟାକେସନରୁ ଉଭୟଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ସେହି ଦିନଠାରୁ ଉଭୟଙ୍କ ଡେଟିଂକୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ ଉଭୟ ପରସ୍ପରର ଜନ୍ମଦିନ ପାର୍ଟୀରେ ଏବଂ ଛୁଟି କାଟୁଥିବାର ନଜର ଆସିଥାନ୍ତି । ୱାର୍କଫ୍ରଣ୍ଟ କଥା କହିବାକୁ ଗଲେ, ରାଜକୁମାର ହିରାନୀଙ୍କ ଫିଲ୍ମ 'ଡିଙ୍କି'ରେ ତାପସୀ ପନ୍ନୁ ଖୁବଶୀଘ୍ର ନଜର ଆସିବେ । ଏଥିରେ ସେ ବଲିଉଡ୍ କିଙ୍ଗ୍ଖାନ୍ ଶାହାରୁଖ ଖାନ୍ଙ୍କ ସହ ସ୍କ୍ରିନ୍ ସେୟାର କରିବାକୁ ଯାଉଛନ୍ତି । ତେବେ ତାପସୀ ଏବଂ ରାଜକୁମାର ହିରାନୀଙ୍କ ସହ ପ୍ରଥମ ଥର ପାଇଁ ଏକାଟି କାମ କରିଛନ୍ତି ଶାହାରୁଖ । ଏଥିସହ ତାପସୀ 'ହସିନ୍ ଦିଲ୍ରୁବା'ର ସିକ୍ୱେଲ୍ରେ 'ଆଏ ହସିନା ଦିଲ୍ରୁବା 'ଏବଂ' ୱୋ ଲଡକି ହେ କାହାଁ ' ଭଳି ଫିଲ୍ମରେ ବି ନଜର ଆସିବେ ।
