ହାଇଦ୍ରାବାଦ: ପଞ୍ଜାବୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଶେହନାଜ ଗିଲ, ସୋନମ ବାଜୱାଏବଂ ଦିଲଜିତ ଦୋସାଞ୍ଜଙ୍କ ଯୋଡି ଏକ ହିଟ୍ ରହିଛି । ପୂର୍ବ ଚଳଚ୍ଚିତ୍ର 'ହୋସଲା ରଖ'ରେ 3ଜଣଙ୍କ କେମେଷ୍ଟ୍ରିକୁ ବେଶ ପ୍ରଶଂସା କରାଯାଇଥିଲା । ବର୍ତ୍ତମାନ ପୁଣି ଥରେ ଏହି 3 ତାରକା 'ରାନ୍ନା ଚା ଧନ୍ନା' ସହ ବଡ ପରଦାକୁ ଫେରୁଛନ୍ତି । ଫିଲ୍ମର ନୂଆ ପୋଷ୍ଟର ରିଲିଜ କରି ନିର୍ମାତା ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି । ସାରା ବିଶ୍ୱରେ ଅକ୍ଟୋବର 2, 2024ରେ ରିଲିଜ ହେବ ।
ଶେହନାଜ ଗିଲ 'ରାନ୍ନା ଚା ଧନ୍ନା'ର ପୋଷ୍ଟର ସେୟାର କରି ଲେଖିଛନ୍ତି, 'ରାନ୍ନା ଚା ଧନ୍ନା' ଚଳଚ୍ଚିତ୍ର ସାରା ବିଶ୍ୱରେ 2 ଅକ୍ଟୋବର, 2024ରେ ମୁକ୍ତିଲାଭ କରୁଛି ।" ଏହି ପୋଷ୍ଟରଟି ବହୁତ ମଜାଳିଆ ରହିଛି । ଏଥିରେ ବର ବେଶରେ ଦିଲଜିତଙ୍କୁ ଦେଖିବାକୁ ମିଳିଥିବା ବେଳେ କନ୍ୟା ବେଶରେ ଶେହନାଜ ଏବଂ ସୋନମଙ୍କୁ ଦେଖିବାକୁ ମିଳିଛି । ଏଥିସହ ଅନେକ କନ୍ୟାଙ୍କୁ ମଧ୍ୟ ଦିଲଜିତଙ୍କ ପାର୍ଶ୍ବରେ ଠିଆ ହୋଇଥିବା ଦେଖିବାକୁ ମିଳିଛି । ସେପଟେ ଦିଲଜିତ ଦୋସାଞ୍ଜ ଏବଂ ସୋନମ ବାଜୱା ମଧ୍ୟ ନିଜ ଇନଷ୍ଟାଗ୍ରାମରେ ପୋଷ୍ଟର ସେୟାର କରିଛନ୍ତି । ଏହି ପୋଷ୍ଟର ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ବେଶ ଉତ୍ସାହର ସହ ଫିଲ୍ମକୁ ଅପେକ୍ଷା କରିଛନ୍ତି ।
2020 ମସିହାରେ ଶେହନାଜ ଗିଲ, ସୋନମ ବାଜୱା ଏବଂ ଦିଲଜିତ ଦୋସାଞ୍ଜଙ୍କ ଅଭିନୀତ ଚଳଚ୍ଚିତ୍ର 'ରାନ୍ନା ଚା ଧନ୍ନା' ଘୋଷଣା କରାଯାଇଥିଲା, କିନ୍ତୁ କୋରୋନା ମହାମାରୀ ହେତୁ ଫିଲ୍ମକୁ ସ୍ଥଗିତ ରଖାଯାଇଥିଲା । ଯେତେବେଳେ ଏହି ଚଳଚ୍ଚିତ୍ର ସ୍ଥଗିତ ହେଲା, ସୋନମ, ଶେହନାଜ ଏବଂ ଦିଲଜିତ୍ 'ହୋସଲା ରଖ'ରେ ଏକାଠି କାମ କରିଥିଲେ ଏବଂ ଚଳଚ୍ଚିତ୍ରଟି ଭଲ ପ୍ରଦର୍ଶନ କରିଥିଲା । ବର୍ତ୍ତମାନ ଏହି 3 ତାରକା ପୁଣି 'ରାନ୍ନା ଚା ଧନ୍ନା' ନଜର ଆସିବାକୁ ଥିବା ବେଳେ ଦର୍ଶକଙ୍କୁ ପୁଣି ମନୋରଞ୍ଜନ କରିବେ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ: Thank You For Coming: ଆସିଲା ଟ୍ରେଲର, ଉତ୍ତମ ସାଥୀ ସନ୍ଧାନରେ ଭୂମି
ରାନ୍ନା ଚ ଧନ୍ନାଙ୍କ ବ୍ୟତୀତ ଦିଲଜିତ ଦୋସାଞ୍ଜ ଚମକିଲା ଚଳଚ୍ଚିତ୍ରରେ ପରିଣୀତି ଚୋପ୍ରାଙ୍କ ସହ ନଜର ଆସିବେ । ଇମତିଆଜ ଅଲିଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର 2024ରେ ନେଟଫ୍ଲିକ୍ସରେ ମୁକ୍ତିଲାଭ କରିବ । ଏଥିସହ ସେ କରୀନା କପୁର, ତବୁ ଏବଂ କ୍ରିତି ସାନନଙ୍କ ବିପକ୍ଷରେ ଦ କ୍ରୁରେ ମଧ୍ୟ ନଜର ଆସିବେ । ଅନ୍ୟପକ୍ଷରେ, ସୋନମ ବାଜୱା ଶେଷ ଥର ପାଇଁ କ୍ୟାରି ଅନ୍ ଜଟାରେ ଜିପି ଗ୍ରୁଏଲଙ୍କ ସହ ନଜର ଆସିଥିଲେ । ସେହିପରି ଶେହନାଜ ଗିଲଙ୍କୁ ସଲମାନ ଖାନଙ୍କ ସହ କିସି କା ଭାଇ କିସି କି ଜାନରେ ଶେଷ ଥର ପାଇଁ ଦେଖିବାକୁ ମିଳିଥିଲା । ବର୍ତ୍ତମାନ ଶେହନାଜଙ୍କୁ ଭୂମି ପେଡନେକର, ଡଲି ସିଂ, କୁଶା କପିଲା ଏବଂ ଶିବାନୀ ବେଦୀଙ୍କ ସହ 'ଥ୍ଯାଙ୍କ ୟୁ ଫର କମିଙ୍ଗ' ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ଅକ୍ଟୋବର 6ରେ ରିଲିଜ ହେବ ।
