ମୁମ୍ବାଇ: ଦୀପିକା ପାଦୁକୋନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ମାର୍ଚ୍ଚ 12ରେ ଆମେରିକାରେ ଆୟୋଜିତ ହେବାକୁ ଥିବା 95 ତମ ଓସ୍କୋର ଆୱାର୍ଡ ସୋ’ରେ ଉପସ୍ଥାପିକା ଭାବେ ନଜର ଆସିବେ ବଲିଉଡର ଲୋକପ୍ରିୟ ଅଭିନେତ୍ରୀ ଦୀପିକା ପାଦୁକୋନ । ଗତକାଲି ରାତିରେ ଏନେଇ ଦୀପିକା ପ୍ରଶଂସକ ଏବଂ ଦେଶକୁ ଏହି ଖୁସି ଖବର ଜଣାଇଛନ୍ତି । ଏହି ଖବର ଶୁଣି ସମଗ୍ର ଦେଶରେ ଖୁସିର ଲହରୀ ଖେଳିଯାଇଛି ଏବଂ ଏହା ଦୀପିକାଙ୍କ ପ୍ରଶଂସକମାନଙ୍କ ଖୁସିକୁ ଦ୍ବିଗୁଣିତ କରିଛି ।
- " class="align-text-top noRightClick twitterSection" data="
">
ବଲିଉଡର 'ପଦ୍ମାବତ' ଦୀପିକା ପାଦୁକୋନ ପୁଣି ଥରେ ଦେଶର ନାଁ ଗୌରବ କରିବାକୁ ଯାଉଛନ୍ତି । ଗତବର୍ଷ ଦୀପିକା ଏକ ଜୁରି ସଦସ୍ୟ ଭାବରେ 'କାନ୍ସ ଫିଲ୍ମ ଫେଷ୍ଟିଭାଲ'ରେ ଯୋଗ ଦେଇ ଦେଶର ନାଁ ରଖିଥିବା ବେଳେ ବର୍ତ୍ତମାନ ଦୀପିକା ପାଦୁକୋନ ମାର୍ଚ୍ଚ 12ରେ ସ୍କୋର ଆୱାର୍ଡ ସୋରେ ଯୋଗ ଦେଇ ଦେଶକୁ ଗୌରବାନ୍ବିତ କରିଛନ୍ତି । ସେଠାରେ ଦୀପିକାଙ୍କୁ ପ୍ରସିଦ୍ଧ ହଲିଉଡ ଅଭିନେତା ତଥା ପୂର୍ବତନ ରିଙ୍ଗ ରେସଲର ଡୱେନ ଜନସନ (ରକ୍)ଙ୍କ ସହ ଉପସ୍ଥାପିକା ଭାବେ ଦେଖିବାକୁ ମିଳିବ । ଏଥିସହ ଅଭିନେତ୍ରୀଙ୍କ ସ୍ୱାମୀ ତଥା ବଲିଉଡ ଅଭିନେତା ରଣଭୀର ସିଂ ମଧ୍ୟ ଏହି ଖୁସି ଖବର ଉପରେ ନିଜର ପ୍ରତିକ୍ରିୟା ଦେଇଛନ୍ତି ।
- " class="align-text-top noRightClick twitterSection" data="
">
ଅଭିନେତ୍ରୀ ଏହି ସୂଚନା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସୋୟାର କରି କ୍ୟାପସନରେ ଲେଖିଛନ୍ତି, 'ଓସ୍କାର' । ଅଭିନେତ୍ରୀ ଏହି ଖୁସି ଖବର ଦେବା ମାତ୍ରେ ସେଲିବ୍ରେଟ୍, ପ୍ରଶଂସକ ଏବଂ ଅଭିନେତ୍ରୀଙ୍କ ଘନିଷ୍ଠ ବନ୍ଧୁମାନେ ସେମାନଙ୍କର ଖୁସି ବ୍ୟକ୍ତ କରିବା ସହ ତାଙ୍କୁ ଅଭିନନ୍ଦନ ଜଣାଇଛନ୍ତି । ଏଥିସହିତ ଦୀପିକା ପାଦୁକୋନଙ୍କ ସ୍ବାମୀ ରଣଭୀର ସିଂ ମଧ୍ୟ 3ଟି କରତାଳି ଇମୋଜି ସହ ପତ୍ନୀଙ୍କ ଏହି ସଫଳତା ଉପରେ ଖୁସି ବ୍ୟକ୍ତ କରିଛନ୍ତି।
ଦୀପିକା ପାଦୁକୋନଙ୍କ ଦ୍ୱାରା ସେୟାର କରାଯାଇଥିବା ପୋଷ୍ଟରେ ଅନେକ ହଲିଉଡ ତାରକାଙ୍କ ନାମ ଅନ୍ତର୍ଭୁକ୍ତ ରହିଛି । ଏହି ନାମଗୁଡିକ ମଧ୍ୟରେ କେବଳ ଦୀପିକା ପାଦୁକୋନଙ୍କ ନାମ ଭାରତରୁ ଆସିଛି । ସୂଚନା ଅନୁସାରେ 95 ତମ ଓସ୍କାର 2023ରେ, ଦୀପିକା ପାଦୁକୋନଙ୍କୁ ଜୋ ସଲଡାନା, ଡୱେନ ଜନସନ, ସାମୁଏଲ ଏଲ ଜ୍ୟାକସନ, ଜେନିଫର କନେଲି, ମାଇକେଲ ବି ଜୋର୍ଡାନ, କ୍ୱେଷ୍ଟଲୋଭ, ଜୋନାଥନ ମେଜର୍ସ ଏବଂ ଡୋନି ୟେନଙ୍କ ସହ ଓସ୍କାର ସମାରୋହରେ ଉପସ୍ଥାପିକା ଭାବେ ଦେଖିବାକୁ ମିଳିବ ।
ସୂଚନା ଥାଉକି, ଓସ୍କାର ପୁରସ୍କାର 2023ରେ ଭାରତ 3ଟି ବର୍ଗରେ ନାମାଙ୍କନ ପାଇସାରିଛି ଏବଂ ଦେଶ ପୁଣି ଥରେ ଓସ୍କାର ପାଇଁ ଆଶାବାଦୀ ହୋଇରହିଛି । ଏଥର ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରହିଟ୍ ଫିଲ୍ମ 'ଆରଆରଆର'ର ହିଟ୍ ଗୀତ' ନାଟୁ-ନାଟୁ '' ଶ୍ରେଷ୍ଠ ଗୀତ 'ଭାବେ ମନୋନୀତ ହୋଇଥିବା ବେଳେ ଅନ୍ୟପକ୍ଷରେ ଗୁଜୁରାଟୀ ଚଳଚ୍ଚିତ୍ରଗୁଡିକ ଚେଲୋ ସୋ, ଅଲ୍ ଦି ବ୍ରହ୍ମ ଏବଂ ଦି ହାତୀ ୱିସର୍ (ଡକ୍ୟୁମେଣ୍ଟାରୀ) ପାଇଁ ମନୋନୀତ ହୋଇଛି। ଏଥିସହ 'ନାଟୁ-ନାଟୁ' ଗାୟକ ରାହୁଲ ସ୍ପିଲଗୁଞ୍ଜ ଏବଂ କାଲ ଭୈରବ ଓସ୍କାର ମଞ୍ଚରେ ଲାଇଭ୍ ପରିବେଷଣ କରିବାକୁ ଯାଉଛନ୍ତି ।
