ହାଇଦ୍ରାବାଦ: ନିକଟରେ ସାଉଥ ଫିଲ୍ମ ଇଣ୍ଡଷ୍ଟ୍ରିର 'ନ୍ୟାଚୁରାଲ ଷ୍ଟାର' ନାନୀଙ୍କ ରିଲିଜ କରିଥିବା ଫିଲ୍ମ 'ଦଶରା' ବିଶ୍ବବ୍ୟାପୀ ବକ୍ସ ଅଫିସରେ ଦମଦାର ବ୍ୟବସାୟ କରିଛି । ଏହି ଫିଲ୍ମଟି ମାତ୍ର 6 ଦିନ ମଧ୍ୟରେ ବକ୍ସ ଅଫିସରେ 100 କୋଟି କ୍ଲବରେ ସାମିଲ ହୋଇଛି । ଏନେଇ ଅଭିନେତା ନାନି ସୋସିଆଲ ମିଡିଆରେ ଏହି ଖୁସି ଖବର ସେୟାର କରିଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ବକ୍ସ ଅଫିସରେ ନାନୀଙ୍କ ଅଭିନୀତ ଫିଲ୍ମ 'ଦଶରା' ଆୟ ଦିନକୁ ଦିନ ବଢିବାରେ ଲାଗିଛି । 65 କୋଟି ଟଙ୍କାର ବଜେଟରେ ନିର୍ମିତ ଫିଲ୍ମ ଦଶରା ଉଦଘାଟନୀ ସପ୍ତାହର ଗୋଟିଏ ଦିନ ପୂର୍ବରୁ ବକ୍ସ ଅଫିସରେ ରୋଜଗାରର ଏକ ଶତାବ୍ଦୀ ହାସଲ କରିଛି । ଅର୍ଥାତ ଫିଲ୍ମଟି 6 ଦିନ ମଧ୍ୟରେ 100 କୋଟି ଟଙ୍କା ଅତିକ୍ରମ କରିଥିବା ଦେଖିବାକୁ ମିଳିଛି ।
ନିଜ ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ସହ ଏହି ଖୁସି ଖବରକୁ ଅଭିନେତା ନାନି ସେୟାର କରି କ୍ୟାପସନରେ ଲେଖିଛନ୍ତି, "ଆମର ପ୍ରୟାସ, ଆପଣଙ୍କ ଉପହାର ।" ଏହି ପୋଷ୍ଟ ସେୟାର ପରେ ଫ୍ୟାନ ଏହାକୁ ଲାଇକ କରିବା ସହ ପ୍ରତିକ୍ରିୟାରେ ଅଭିନେତାଙ୍କ ପ୍ରଶଂସା କରି ଏହି ସଫଳତା ପାଇଁ ଅଭିନେତାଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହ ନିକଟରେ ଦଶରାର ଏହି ସଫଳତା ଖୁସିରେ ଫିଲ୍ମର ନିର୍ମାତା ସୁଧାକର ଚେରୁକୁରୀ ନିର୍ଦ୍ଦେଶକ ଶ୍ରୀକାନ୍ତ ଓଡେଲାଙ୍କୁ ଏକ ବିଏମଡବ୍ଲୁ କାର୍ ଏବଂ ଫିଲ୍ମର ପ୍ରତ୍ୟେକ ସଦସ୍ୟଙ୍କୁ 10 ଗ୍ରାମ ସୁନା ମୁଦ୍ରା ବଣ୍ଟନ କରିଥିଲେ।
ଶ୍ରୀକାନ୍ତ ଓଡେଲାଙ୍କ ନିର୍ଦ୍ଦେଶିତ ଫିଲ୍ମ ଦଶରା ହେଉଛି ନାନୀଙ୍କ ପ୍ରଥମ ପାନ୍ ଇଣ୍ଡିଆ ଫିଲ୍ମ । ଯାହା ଭାରତୀୟ ସିନେମାରେ ଏକ ଇତିହାସ ସୃଷ୍ଟି କରିବ ବୋଲି ଆସା କରାଯାଉଛି । 6 ଦିନ ମଧ୍ୟରେ ଆମେରିକାରେ ଏହି ଫିଲ୍ମ 2 ଲକ୍ଷ ଡଲାର ରୋଜଗାର କରିଛି । ତାମିଲ, ତେଲୁଗୁ, କନ୍ନଡ, ହିନ୍ଦୀ ଏବଂ ମାଲାୟାଲମରେ ଫିଲ୍ମ ରିଲିଜ କରିଛି । ଏହି ଫିଲ୍ମରେ ସାଉଥ ସୁନ୍ଦର ଅଭିନେତ୍ରୀ କିର୍ତ୍ତୀ ସୁରେଶ ଅଭିନେତା ନାନୀଙ୍କ ବିପକ୍ଷରେ ନଜର ଆସିଛନ୍ତି ।
ସୂଚନା ଥାଉ କି, ମାର୍ଚ୍ଚ 30ରେ ରାମ ନବମୀ ଅବସରରେ ଏହି ଫିଲ୍ମ ରିଲିଜ ହୋଇଛନ୍ତି । ସେହି ଦିନ ଅଜୟ ଦେବଗନଙ୍କ ଫିଲ୍ମ 'ଭୋଲା' ମଧ୍ୟ ରିଲିଜ ହୋଇଥିଲା । ଦଶରା ଫିଲ୍ମ ଭୋଲାକୁ କଡ଼ା ଟକ୍କର ଦେଉଥିଲା । ହିନ୍ଦୀ ଦର୍ଶକଙ୍କ ଉପରେ ପ୍ରାଧାନ୍ୟ ବଜାୟ ରଖିବା ପାଇଁ ଦଶରାର ଟିକେଟ 112 ଟଙ୍କାରେ ବିକ୍ରି ହେଉଛି । ଏହି ଅଫର ଶୁକ୍ରବାର(ଏପ୍ରିଲ 7) ପର୍ଯ୍ୟନ୍ତ ରହିଛି । ବର୍ତ୍ତମାନ ଫିଲ୍ମ ଭୋଲାକୁ ପଛରେ ପକାଇ100କୋଟି କ୍ଲବରେ ସାମିଲ ହୋଇଛି ଦଶରା ।
