ଉତ୍ତରପ୍ରଦେଶ: ବଲିଉଡ ଅଭିନେତା ଅକ୍ଷୟ କୁମାର ଆଗାମୀ ଚଳଚ୍ଚିତ୍ରର ସୁଟିଂ ପାଇଁ ଉତ୍ତରାଖଣ୍ଡରେ ଅଛନ୍ତି । ଏହି ସମୟରେ ଅକ୍ଷୟ କୁମାର ବାବା କେଦାରନାଥଙ୍କ ଦର୍ଶନ ପରେ ଏବେ ବଦ୍ରିନାଥଙ୍କ ଦର୍ଶନ କରିଛନ୍ତି । ଯେଉଁଠାରେ ସେ ଭଗବାନ ବଦ୍ରିନାଥଙ୍କୁ ପୂଜା କରି ଆଶୀର୍ବାଦ ନେଇଛନ୍ତି । ଏହି ସମୟରେ ଅଭିନେତା ଅକ୍ଷୟ କୁମାରଙ୍କ ଗୋଟିଏ ଝଲକ ଦେଖିବାକୁ ଫ୍ୟାନ୍ସଙ୍କ ଭିଡ ଦେଖିବାକୁ ମିଳିଛି । ବଦ୍ରିନାଥ ଧାମ ପୂର୍ବରୁ ଅକ୍ଷୟ ଯୋଗେଶ୍ୱର ଧାମରେ ଭଗବାନ ଶିବଙ୍କୁ ଦର୍ଶନ କରିଥିଲେ ।
- " class="align-text-top noRightClick twitterSection" data="
">
ସୂଚନା ଅନୁଯାୟୀ, ପୂର୍ବ ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ବଲିଉଡ ଅଭିନେତା ଅକ୍ଷୟ କୁମାର ଆଜି ବଦ୍ରିନାଥରେ ପହଞ୍ଚିଥିଲେ । ହେଲିପ୍ୟାଡରେ ପହଞ୍ଚିବା ପରେ ବଦ୍ରି କେଦାର ମନ୍ଦିର କମିଟିର ଉପାଧ୍ୟକ୍ଷ କିଶୋର ପାନୱାର ଏବଂ ଅନ୍ୟମାନେ ତାଙ୍କୁ ସ୍ୱାଗତ କରିଥିଲେ । ଏହା ପରେ ଅକ୍ଷୟ କୁମାର ବଦ୍ରିନାଥ ଧାମରେ ପହଞ୍ଚିଥିଲେ । ଯେଉଁଠାରେ ସେ ଭଗବାନ ବଦ୍ରିନାଥଙ୍କ ଦର୍ଶନ କରିବା ସହ ବେଦ ପୂଜା କରିଥିଲେ । ଏହା ପୂର୍ବରୁ ଅକ୍ଷୟ ଆଲମୋରର ଯୋଗେଶ୍ୱର ଧାମ ପରିଦର୍ଶନ କରିଛନ୍ତି । ଏହି ସମୟରେ ତାଙ୍କ ଝଲକ ପାଇବା ପାଇଁ ତାଙ୍କର ଶହ ଶହ ପ୍ରଶଂସକ ଯୋଗେଶ୍ୱର ଧାମରେ ଉପସ୍ଥିତ ଥିଲେ । ଏହି ସମୟରେ ମନ୍ଦିରର ପୁରୋହିତ ପଣ୍ଡିତ ଲକ୍ଷ୍ମୀ ଦତ୍ତ ଭଟ୍ଟ ଏବଂ ପଣ୍ଡିତ ଆନନ୍ଦ ଭଟ୍ଟ ମହାମୃତ୍ୟୁଞ୍ଜୟ ମନ୍ଦିରରେ ରୀତିନୀତି କରିଥିଲେ । ଏହି ସମୟରେ ଅକ୍ଷୟ ବାବାଙ୍କର ଜଳାଭିଷେକ ଏବଂ ରୁଦ୍ରାଭିଷେକ କରିଥିଲେ ।
ତେବେ ଅଭିନେତା ବଦ୍ରିନାଥ ଧାମର ଅନେକ ଫଟୋ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ମହମୃତ୍ୟୁଞ୍ଜୟ ମନ୍ତ୍ରଙ୍କ ସହ ସେୟାର କରିଥିଲେ । ସେ କ୍ୟାପସନରେ ଲେଖିଛନ୍ତି, 'ଯୋଗେଶ୍ୱର ଧାମ ।' ଫଟୋରେ ଅକ୍ଷୟ ଉଚ୍ଚ ସୁରକ୍ଷା ମଧ୍ୟରେ ଦେଖାଯାଉଛନ୍ତି । ତାଙ୍କ ପ୍ରଶଂସକମାନେ ପୋଷ୍ଟକୁ ଲାଇକ କରିବା ସହ ପ୍ରତିକ୍ରିୟାରେ 'ହର ହର ମହାଦେବ' ଲେଖିଛନ୍ତି । ଏଥିସହିତ ଜଣେ ଲେଖିଛନ୍ତି, 'ବର୍ତ୍ତମାନ ଆପଣଙ୍କର ସମସ୍ତ ଚଳଚ୍ଚିତ୍ର ହିଟ୍ ହୋଇଯିବ । ଯଦି ବିରାଟ କୋହଲି ମହାଦେବଙ୍କ ପାଖକୁ ଆସିବା ପରେ ଫର୍ମରେ ଆସନ୍ତି, ତେବେ ଆପଣଙ୍କ ଚଳଚ୍ଚିତ୍ର ମଧ୍ୟ ହିଟ୍ ହୋଇଯିବ ।
ସୂଚନା ଥାଉ କି, ଅକ୍ଷୟ ପୂର୍ବରୁ ମେ 23ରେ କେଦାରନାଥ ଧାମ ପରିଦର୍ଶନ କରିଥିଲେ । ଆଜି ବଦ୍ରିନାଥଙ୍କ ଦର୍ଶନ କରିଛନ୍ତି । ତେବେ ଏହି ସମୟରେ ବଦ୍ରି କେଦାର ମନ୍ଦିର କମିଟିର ଗଣମାଧ୍ୟମ ଦାୟିତ୍ୱରେ ଥିବା ହରିଶ ଗୌର କହିଛନ୍ତି ଯେ ଅଭିନେତା ଅକ୍ଷୟ କୁମାର ମଧ୍ୟ ବଦ୍ରିନାଥ ମନ୍ଦିର ପରିଦର୍ଶନ କରିବା ପରେ ସିଂହ ଦ୍ୱାରରେ ତୀର୍ଥଯାତ୍ରୀମାନଙ୍କୁ ଶୁଭେଚ୍ଛା ଜଣାଇଛନ୍ତି । ଯାତ୍ରା ବ୍ୟବସ୍ଥାକୁ ମଧ୍ୟ ସେ ପ୍ରଶଂସା କରିଥିଲେ । ସେ କହିଛନ୍ତି ଯେ ଦେବଭୂମି ଉତ୍ତରାଖଣ୍ଡକୁ ଆସିବା ପରେ ସେ ଅତ୍ୟଧିକ ଖୁସି ହୋଇଛନ୍ତି ।
