ହାଇଦ୍ରାବାଦ: ଗଦର-2 ଏବଂ ଓଏମଜି-2 ପରେ ବର୍ତ୍ତମାନ ଆୟୁଷ୍ମାନ ଖୁରାନାଙ୍କ ଫିଲ୍ମ ଡ୍ରିମ ଗାର୍ଲ 2 ଏବଂ ନୁସରତ ଭରୁଚ୍ଚାଙ୍କ ଫିଲ୍ମ ଅକେଲି ରିଲିଜ ହୋଇଛି । ଉଭୟ ଫିଲ୍ମକୁ ଦର୍ଶକ ପସନ୍ଦ କରିବା ସହ ଫିଲ୍ମକୁ ନେଇ ମିଶ୍ରିତ ପ୍ରତିକ୍ରିୟା ଦେଇଛନ୍ତି। ସନ୍ନି ଏବଂ ଅକ୍ଷୟଙ୍କ ଫିଲ୍ମର ଟକ୍କରର ପ୍ରଭାବ ବର୍ତ୍ତମାନ ଡ୍ରିମ ଗାର୍ଲ 2 ଏବଂ ଅକେଲି ଉପରେ ପଡିଛି । ଫଳରେ ପ୍ରଥମ ଦିନରେ ଆଶା କରାଯାଉଥିବା କଲେକ୍ସନଠାରୁ କମ୍ କରିଛି।
'ଡ୍ରିମ୍ ଗାର୍ଲ-2' ରେ ଆୟୁଷ୍ମାନ ଖୁରାନା ଏବଂ ଅନନ୍ୟା ପାଣ୍ଡେ ପ୍ରଥମ ଥର ପାଇଁ ଏକାଠି ନଜର ଆସିଛନ୍ତି । ଫିଲ୍ମରେ କମେଡି ଭରପୁର ରହିଥିବା ବେଳେ ଦର୍ଶକଙ୍କୁ ବେଶ ମନୋରଞ୍ଜନ କରିଛି ଫିଲ୍ମ । ଫିଲ୍ମକୁ ନେଇ ଦର୍ଶକଙ୍କ ଭଲ ପ୍ରତିକ୍ରିୟା ମଧ୍ୟ ଦେଇଛନ୍ତି । ତେବେ ବର୍ତ୍ତମାନ ଫିଲ୍ମର ପ୍ରଥମ ଦିନର କଲେକ୍ସନ ସାମ୍ନାକୁ ଆସିଛି। ସାକ ଙ୍କ ରିପୋର୍ଟ ଅନୁଯାୟୀ, 'ଡ୍ରିମ୍ ଗାର୍ଲ 2' ପ୍ରଥମ ଦିନରେ 9କୋଟି ଆୟ କରିଛି। ସେପଟେ ନୁସରତ ଭରୁଚ୍ଚାଙ୍କ ଫିଲ୍ମ ଅକେଲି ମଧ୍ୟ ଲୋକଙ୍କୁ ପସନ୍ଦ ଆସୁଛି। ଫିଲ୍ମରେ ନୁସରତଙ୍କ ଅଭିନୟକୁ ପ୍ରଶଂସା କରାଯାଉଛି। କିନ୍ତୁ ଫିଲ୍ମ ପ୍ରଥମ ଦିନରେ ଖୁବ କମ ଆୟ କରିଛି । ରିପୋର୍ଟ ଅନୁଯାୟୀ, ଅକେଲି ପ୍ରଥମ ଦିନରେ ମାତ୍ର ୩୦ ଲକ୍ଷ ଆୟ କରିଛି ।
'ଡ୍ରିମ୍ ଗାର୍ଲ 2' 2019ରେ ରିଲିଜ ହୋଇଥିବା 'ଡ୍ରିମ୍ ଗାର୍ଲ'ର ସିକ୍ବେଲ୍ ଅଟେ 'ଡ୍ରିମ୍ ଗାର୍ଲ-2' । ଏହି ଚଳଚ୍ଚିତ୍ର ବକ୍ସ ଅଫିସରେ 200 କୋଟିରୁ ଅଧିକ ରୋଜଗାର କରିଥିଲା । ଏହି ଚଳଚ୍ଚିତ୍ରରେ ଆୟୁଷ୍ମାନ ଖୁରାନାଙ୍କ ବିପକ୍ଷରେ ନୁସରତ ଭରୁଚ୍ଚାଙ୍କୁ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ନୁସରତଙ୍କ ବଦଳରେ ଅନନ୍ୟା ପାଣ୍ଡେଙ୍କୁ ଦେଖିବାକୁ ମିଳିଛି । ଏବେ ନୁସରତ ଅକେଲି ସହ ବଡ଼ ପରଦାରେ ନଜର ଆସିଛନ୍ତି । ସେ ଆୟୁଷ୍ମାନଙ୍କ ସହ ପ୍ରତିଦ୍ବନ୍ଦିତା କରୁଛନ୍ତି।
ଏହା ମଧ୍ୟ ପଢନ୍ତୁ: ଡ୍ରିମ ଗାର୍ଲ-2ରେ କାଷ୍ଟ ନହେବା ନେଇ ତାତିଲେ ନୁସରତ, ଦେଲେ ଏଭଳି ପ୍ରିତିକ୍ରିୟା
'ଡ୍ରିମ୍ ଗାର୍ଲ-2' ଫିଲ୍ମ ବିଷୟରେ କହିବାକୁ ଗଲେ, ଏହା ସମଲିଙ୍ଗୀ ସମ୍ପର୍କର ଏକ ବିଷୟବସ୍ତୁ ଉପରେ ଆଧାରିତ । ଏହି ଚଳଚ୍ଚିତ୍ରଟି ହେଉଛି ମଥୁରାରେ ରହୁଥିବା କରମଙ୍କ କାହାଣୀ, ଯିଏ ତାଙ୍କ ପିତାଙ୍କ ଋଣ ପରିଶୋଧ କରିବାକୁ ଚେଷ୍ଟା କରୁଛି । କରମ ପରୀଙ୍କୁ ଭଲ ପାଆନ୍ତି କିନ୍ତୁ ତାଙ୍କ ପିତା ସେମାନଙ୍କ ବିବାହରେ ରାଜି ନୁହଁନ୍ତି । କରମ ପୂଜା ରୂପରେ ଆସନ୍ତି । ଏହି ଚଳଚ୍ଚିତ୍ରର ପ୍ରକୃତ ମଜା ଆୟୁଷ୍ମାନ ଖୁରାନା କରମରୁ ପୂଜା ହେବା ପରେ ଆସିଥାଏ । ସେପଟେ ଅକେଲି ଏକ ଆଇଏସଆଇଏସ ଆତଙ୍କବାଦୀ ଏବଂ ପାକିସ୍ତାନ ସହ ଜଡିତ ଥିବା କାହାଣୀ ଉପେର ନିର୍ମିତ । ଏଥିରେ ନୁସରତ ମୁଖ୍ୟ ଭୂମିକାରେ ନଜର ଆସିଛନ୍ତି ।
