ହାଇଦ୍ରାବାଦ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଆଜିକାଲି ସ୍ୱାମୀ ତଥା କ୍ରିକେଟର ବିରାଟ କୋହଲିଙ୍କ ସହ ଆଇପିଏଲରେ ଖୁବ୍ ମସ୍ତି କରୁଛନ୍ତି। ଅନୁଷ୍କା ଓ ବିରାଟ ଏକ ବିବାହ କାର୍ଯ୍ୟକ୍ରମରେ ଯୋଗ ଦେଇଥିଲେ, ଯେଉଁଠାରୁ ଅଭିନେତ୍ରୀ କିଛି ଫଟୋ ସେୟାର କରିଛନ୍ତି ।
ଅଷ୍ଟ୍ରେଲୀୟ ଖେଳାଳି ଗ୍ଲେନ୍ ମାକ୍ସୱେଲଙ୍କ ବିବାହ କାର୍ଯ୍ୟକ୍ରମରେ ଯୋଗ ଦେଇ ଅନୁଷ୍କା ଏହି ଫଟୋ ସେୟାର କରିଛନ୍ତି । ନିକଟରେ ମାକ୍ସୱେଲ ଜଣେ ଭାରତୀୟ ଝିଅ ବିନି ରମଣଙ୍କୁ ବିବାହ କରିଛନ୍ତି । ଅନୁଷ୍କା-ବିରାଟ ମଧ୍ୟ ଏହି ପାର୍ଟିରେ ପହଞ୍ଚିଥିଲେ। ଏହି କାର୍ଯ୍ୟକ୍ରମରେ ବିରାଟ ପୁଷ୍ପା ଚଳଚ୍ଚିତ୍ରର ସୁପରହିଟ୍ ଆଇଟମ୍ ଗୀତ 'ଓ ଅନ୍ତାୱା'ରେ ଜବରଦସ୍ତ ଡ୍ୟାନ୍ସ କରିଥିଲେ । ବିରାଟଙ୍କ ଏହି ଡ୍ୟାନ୍ସ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।
ଅନୁଷ୍କା ଶର୍ମା ଏହି ପାର୍ଟିର ଦୁଇଟି ସୁନ୍ଦର ଫଟୋ ସେୟାର କରିଛନ୍ତି । ଫଟୋରେ ଆପଣ ଦେଖିବେ ଅନୁଷ୍କା ଗୋଲାପୀ ରଙ୍ଗର ସୁଟ୍ ପିନ୍ଧିଛନ୍ତି ଏବଂ ବିରାଟ କଳା ରଙ୍ଗର କୁର୍ତ୍ତା ଏବଂ ଧଳା ରଙ୍ଗର ପାଇଜାମା ପିନ୍ଧିଛନ୍ତି । ଅନୁଷ୍କା ଏବଂ ବିରାଟ କୋହଲି ପାର୍ଟିର ଭରପୁର ମଜ୍ଜା ନେଇଥିଲେ ।
- " class="align-text-top noRightClick twitterSection" data="
">
ଏହି ଫଟୋଗୁଡିକ ସେୟାର କରି ଅନୁଷ୍କା ଲେଖିଛନ୍ତି, 'ବିବାହ ଫଙ୍କସନ୍ ବବଲରେ, ବର୍ତ୍ତମାନ ମୋତେ ଲାଗୁଛି ଯେ ମୁଁ ବବଲରେ ପ୍ରତ୍ୟେକ ଫଙ୍କସନ୍କୁ ସେଲିବ୍ରେଟ କରିଛି' । ତେବେ କୋଭିଡ -19 ହେତୁ ଖେଳାଳିମାନେ ବବଲ ସୁରକ୍ଷା ମଧ୍ୟରେ ରହିଛନ୍ତି । ବର୍ତ୍ତମାନ ଅନୁଷ୍କାଙ୍କ ଏହି ପୋଷ୍ଟରେ, ପ୍ରଶଂସକଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ, ଏହି ଯୋଡି ଉପରେ ପ୍ରେମ ବର୍ଷା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
