ହାଇଦ୍ରାବାଦ: ବକ୍ସ ଅଫିସରେ ବମ୍ପର ଓପନିଂ କରିବାକୁ ଯାଉଛି ଫିଲ୍ମ 'ଆନିମଲ' । ଆରମ୍ଭ ହୋଇଛି ଏହାର ଆଡଭାନ୍ସ ବୁକିଂ । ଏହାକୁ ଅନୁଧ୍ୟାନ କଲେ ପ୍ରଥମ ଦିନ( ଡିସେମ୍ବର ୧ତାରିଖ)ରେ ଏହି ଫିଲ୍ମ ପାଖାପାଖି ୫୦ କୋଟି ଆୟ କରିବ ବୋଲି ଆକଳନ କରାଯାଉଛି । ଡିସେମ୍ବର ପହିଲାରେ ରିଲିଜ ହେବାକୁ ଥିବା ଏହି ଫିଲ୍ମଟି ୩ ଘଣ୍ଟା ୨୧ମିନିଟ୍ ୨୩ ସେକେଣ୍ଡର ରହିଛି । ସେପଟେ ବିଭିନ୍ନ ପ୍ଲାଟଫର୍ମରେ 'ଆନିମଲ'ର ପ୍ରି ବୁକିଂ ଜାରି ରହିଛି ।
ରିପୋର୍ଟ ଅନୁସାରେ, ଦେଶର ୬ ଟି ଲୋକେସନରେ ପ୍ରାୟ ୩୨ ଶହ ଟିକେଟ୍ ବର୍ତ୍ତମାନ ସୁଦ୍ଧା ବିକ୍ରି ସରିଛି । ଆଗୁଆ ବୁକିଂରେ ୬୨ ଲକ୍ଷ ଆୟ ହୋଇଛି । ଯେଉଁଥିରେ ବ୍ଲାକ ଟିକେଟ୍ ବିକ୍ରି ମଧ୍ୟ ସାମିଲ ରହିଛି । ରିଲିଜର ୬ ଦିନ ପୂର୍ବରୁ ଫିଲ୍ମ 'ଆନିମଲ' ପାଇଁ ବୁକିଂ ଆରମ୍ଭ ହୋଇଯାଇଛି । ଫିଲ୍ମର ଆଡଭାନ୍ସ ବୁକିଂର ଆକଳନ ରେକର୍ଡ ଭାଙ୍ଗିବ ବୋଲି କୁହାଯାଉଛି। ରଣବୀର କପୁର, ରଶ୍ମିକା ମନ୍ଦନା, ଅନିଲ କପୁର ଏବଂ ବବି ଦେଓଲଙ୍କ ଅଭିନୀତ ଚଳଚ୍ଚିତ୍ର 'ଆନିମଲ' ରିଲିଜ୍ ପାଇଁ ଆରମ୍ଭ ହୋଇଛି କାଉଣ୍ଟଡାଉନ୍ । ନଭେମ୍ବର 23 ରେ ରିଲିଜ ହେଇଥିବା ଟ୍ରେଲର ଦର୍ଶକଙ୍କ ହୃଦୟକୁ ଛୁଇଁଥିଲା । ଏହି ଦମଦାର ଟ୍ରେଲର ଦେଖିବା ପରେ ଫିଲ୍ମଟି ବକ୍ସ ଅଫିସରେ ଧମାଲ କରିବ ବୋଲି ଆଶାବାଦୀ ସିନେପ୍ରେମୀ ।
ଏହା ବି ପଢନ୍ତୁ...ଫିଲ୍ମ 'ଆନିମଲ' ପାଇଁ ବବି ଦେୱଲଙ୍କ ଫିଟନେସ୍ ପ୍ରସ୍ତୁତି
ତେବେ ଟ୍ରେଲର ରିଲିଜର ୨୪ ଘଣ୍ଟା ନପୁରୁଣୁ ୭୧ ମିଲିୟନ ଭ୍ୟୁ ମିଳିଥିଲା । ଯାହାକି ଶାହରୁଖ ଖାନଙ୍କ 'ଜବାନ'କୁ ମଧ୍ୟ ପଛରେ ପକାଇଛି । ହେଲେ କେଜିଏଫ ଚାପ୍ଟର-୨ (୧୦୫ ମିଲିୟନ) ଏବଂ ଆଦିପୁରୁଷ (୭୪ ମିଲିୟନ) ରୁ ଏହା ପଛରେ ପଡିଥିଲା । ବାପ-ପୁଅଙ୍କ ସମ୍ପର୍କ ଉପରେ ଆଧାରିତ ଏହି ଫିଲ୍ମରେ ରଣବୀର କପୁରଙ୍କ ଦମଦାର ଅଭିନୟ ଦେଖିବାକୁ ମିଳିବ । ଏହାସହ ଅଭିନେତ୍ରୀ ରଶ୍ମିକା ମନ୍ଦନାଙ୍କ ସହ ରଶ୍ମିକାଙ୍କ କେମେଷ୍ଟ୍ରି ମଧ୍ୟ ଦେଖିବାକୁ ପାଇବେ ଦର୍ଶକ । ସିନେପ୍ରେମୀଙ୍କ ମଧ୍ୟରେ 'ଆନିମଲ' କ୍ରେଜ ରହିଥିବାବେଳେ ଏହା ବକ୍ସ ଅଫିସରେ ଧମାଲ କରିବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା । ଆଡଭାନ୍ସ ବୁକିଂର ମାତ୍ରା ଦେଖିଲେ ଫିଲ୍ମ 'ଆନିମଲ' ସୋ' ର ଓପନିଂ ଦିନ ନିକଟରେ ରିଲିଜ ହୋଇଥିବା ଟାଇଗର-୩ର ରେକର୍ଡ ଭାଙ୍ଗିବ ବୋଲି ଆକଳନ କରାଯାଉଛି ।
