ହାଇଦ୍ରାବାଦ: ବଲିଉଡର ଆକ୍ସନ୍ ଏବଂ ଫୁଲ-ଅଫ୍ କମେଡି ଅଭିନେତା ଅକ୍ଷୟ କୁମାର ପୁଣି ଥରେ ବକ୍ସ ଅଫିସରେ ନିଜର ଜଲଓ୍ୱା ଦେଖାଇଛନ୍ତି । ଗତ ଦୁଇ ବର୍ଷରେ ଅନେକ ଫ୍ଲପ୍ ଚଳଚ୍ଚିତ୍ର ଦେବା ପରେ ଅକ୍ଷୟ କୁମାର ନିକଟରେ ରିଲିଜ୍ ହୋଇଥିବା ଫିଲ୍ମ ‘ଓଏମ୍ଜି 2’ ସହିତ ବକ୍ସ ଅଫିସରେ ଧମାଲ ମଚାଇଥିଲା । ଏହି ଚଳଚ୍ଚିତ୍ରଟି 100 କୋଟିରୁ ଅଧିକ ବ୍ୟବସାୟ କରିଥିଲା । ‘ଓଏମ୍ଜି 2’ର ସଫଳତା ମଧ୍ୟରେ ଅକ୍ଷୟ କୁମାରଙ୍କ ‘ଓ୍ୱେଲକମ୍’ ଫ୍ରାଞ୍ଚାଇଜିର ତୃତୀୟ ପାର୍ଟ ଘୋଷଣା କରାଯାଇଥିଲା । ସେପ୍ଟେମ୍ବର 9ରେ ଅକ୍ଷୟ କୁମାରଙ୍କ ଜନ୍ମଦିନରେ ‘ଓ୍ୱେଲକମ୍-3’ (ଓ୍ୱେଲକମ୍ ଟୁ ଜଙ୍ଗଲ) ଘୋଷଣା ସହିତ ଏକ ମଜାଦାର ଟିଜର ମଧ୍ୟ ମୁକ୍ତିଲାଭ କରିଥିଲା । ଆଜି (ଅଗଷ୍ଟ 12) ଖବର ଆସିଛି ଯେ ‘ଓ୍ୱେଲକମ୍-3’ ଚଳଚ୍ଚିତ୍ରର ସୁଟିଂ ବନ୍ଦ କରାଯାଇଛି ।
ମିଡିଆ ରିପୋର୍ଟ ଅନୁଯାୟୀ, ଫେଡେରେସନ୍ ଅଫ୍ ୱେଷ୍ଟର୍ନ ଇଣ୍ଡିଆ ସିନେ କର୍ମଚାରୀ (FWICE) ‘ଓ୍ୱେଲକମ୍ 3’ ନିର୍ମାତା ଫିରୋଜ ନାଡିଆଡୱାଲା କର୍ମଚାରୀଙ୍କୁ ଦରମା ଦେଇନଥିବା ଅଭିଯୋଗ ରହିଛି, ଏହି କାରଣରୁ ଅକ୍ଷୟ କୁମାରଙ୍କ ସମେତ ୱେଲକମ-3ର ସମସ୍ତ ଷ୍ଟାର୍କାଷ୍ଟକୁ ସଂଗଠନ ନିବେଦନ କରିଛି କି ସେମାନେ ସୁଟିଂ ଆରମ୍ଭ ନକରନ୍ତୁ ।
ପ୍ରକୃତ ଅଭିଯୋଗ କ’ଣ ?
ରିପୋର୍ଟରେ କୁହାଯାଇଛି ଯେ ପ୍ରଡ୍ୟୁସରଙ୍କ ନାଁରେ ଟେକ୍ନିସିଆନଙ୍କ ଦେୟ ଦେଇନଥିବା ଅଭିଯୋଗ ହୋଇଛି । ଫେଡେରେସନ୍ ଅନୁଯାୟୀ ପ୍ରଡ୍ୟୁସର ଏବଂ ଟେକ୍ନିସିଆନଙ୍କ ମଧ୍ୟରେ 4 କୋଟି ଟଙ୍କା ଚୁକ୍ତି ହୋଇଥିଲା, ମାତ୍ର ସେମାନଙ୍କୁ ମାତ୍ର 2 କୋଟି ଟଙ୍କା ହସ୍ତାନ୍ତର କରାଯାଇଛି ଏବଂ ବ୍ୟାଙ୍କରେ ଚେକ୍ ଜମା କରିବା ପରେ ଦେୟ ଅଟକା ଯାଇଛି । ବର୍ତ୍ତମାନ FWICE ପଦକ୍ଷେପ ନେଇଛି ଯେ, ଯେପର୍ଯ୍ୟନ୍ତ ଟେକ୍ନିସିଆନଙ୍କ ଦେୟ ପ୍ରଦାନ ନହେବ ସେପର୍ଯ୍ୟନ୍ତ ସୁଟିଂ ଆରମ୍ଭ ହେବ ନାହିଁ । ଏଥି ସହିତ, ଫେଡେରେସନ୍ ଓ୍ୱେଲକମ୍ 3 ରେ କାମ କରିବାକୁ ଯାଉଥିବା 25 ତାରକାଙ୍କୁ ସୁଟିଂ ଆରମ୍ଭ ନକରିବାକୁ ଅନୁରୋଧ କରିଛି ।
ଉଲ୍ଲେଖନୀୟ ଯେ, ଏହି ମାମଲା 2015 ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ଓ୍ୱେଲକମ୍-2ର ଟେକ୍ନିସିଆନମାନଙ୍କର, ଯାହାର ଦେୟ ଏପର୍ଯ୍ୟନ୍ତ ପ୍ରଦାନ କରାଯାଇ ନାହିଁ । ସେମାନଙ୍କୁ ଦିଆଯିବ ବୋଲି ନିଶ୍ଚିତ କରାଯାଇଥିଲା, କିନ୍ତୁ 8 ବର୍ଷ ପରେ ମଧ୍ୟ ସେମାନଙ୍କର 2 କୋଟି ଟଙ୍କା ପ୍ରଦାନ କରାଯାଇ ନଥିଲା ଏବଂ ଗତକାଲି ଓ୍ୱେଲକମ୍ 3 ଘୋଷଣା କରାଯିବା ପରେ ଟେକ୍ନିସିଆନଙ୍କ ଦାବିକୁ ଦୃଷ୍ଟିରେ ରଖି ଫେଡେରେସନ୍ ତାରକାଙ୍କୁ ନିବେଦନ କରିଥିଲା । ତେବେ ଓ୍ୱେଲକମ୍-3 2024 ଡିସେମ୍ବର 20 ତାରିଖରେ ରିଲିଜ୍ ପାଇଁ ଲକ୍ ହୋଇଛି ।
