ହାଇଦ୍ରାବାଦ: ପୁଣି ଥରେ ବଲିଉଡ ଇଣ୍ଡଷ୍ଟ୍ରିରେ ସିକ୍ୱେଲ ଯୁଗ ଆରମ୍ଭ ହୋଇଛି । ‘ହାଉସଫୁଲ୍ 5’, ‘ଓ୍ୱେଲକମ୍ 3’, 'ହେରା ଫେରି 3' ଏବଂ 'ଆୱାରା ପାଗଲ୍ ଦିୱାନା ୨' ପରେ ବର୍ତ୍ତମାନ ଅକ୍ଷୟ କୁମାରଙ୍କ ଅଭିନୀତ ଅନ୍ୟ ଏକ ସିନେମାର ସିକ୍ୱେଲ୍ ନିର୍ମାଣ ହେବାକୁ ଯାଉଛି । ଫିଲ୍ମର କାଷ୍ଟିଂ କାଷ୍ଟ ଉପରେ ଆଲୋଚନା ଚାଲିଛି । ଏଥିସହ ଏହାର ନିର୍ମାତା ଏବଂ ଚଳଚ୍ଚିତ୍ର ସହ ଜଡିତ ଅନ୍ୟାନ୍ୟ ସୂଚନା ପ୍ରଶଂସକଙ୍କ ଉତ୍ସାହକୁ ଦ୍ବିଗୁଣିତ କରିଛି ।
ଆସୁଛି ‘ଭାଗମ୍ ଭାଗ୍’ ସିକ୍ୱେଲ୍
ଗଣମାଧ୍ୟମ ରିପୋର୍ଟ ଅନୁଯାୟୀ, ଅକ୍ଷୟ କୁମାର, ଗୋବିନ୍ଦା, ପରେଶ ରାୱଲ ଏବଂ ଲାରା ଦତ୍ତଙ୍କ ଅଭିନୀତ 2006 ମସିହାର କମେଡି ଥ୍ରୀଲର 'ଭାଗମ୍ ଭାଗ୍'ର ଏକ ସିକ୍ୱେଲ୍ ନିର୍ମାଣ ହେବ । ପ୍ରିୟଦର୍ଶନଙ୍କ ଦ୍ୱାରା ନିର୍ଦ୍ଦେଶିତ ଏବଂ ନୀରଜ ଭୋରାଙ୍କ ଦ୍ୱାରା ଲିଖିତ ଏହି ଚଳଚ୍ଚିତ୍ରଟି ଏକ ବକ୍ସ ଅଫିସରେ ହିଟ୍ ହୋଇଥିଲା ଏବଂ ସମାଲୋଚକଙ୍କ ଠାରୁ ମିଶ୍ରିତ ସମୀକ୍ଷା ଗ୍ରହଣ କରିଥିଲା । ଏହି ଚଳଚ୍ଚିତ୍ରଟି ମାଲାୟାଲମ୍ ଚଳଚ୍ଚିତ୍ର 'ମନ୍ନାର ମଥାଇ ସ୍ପିକିଂ' ଉପରେ ଆଧାରିତ ଥିଲା, ଯାହା 1958 ହଲିଉଡର କ୍ଲାସିକ୍ ଭର୍ଟିଗୋ ଦ୍ୱାରା ଅନୁପ୍ରାଣିତ ହୋଇଥିଲା ।
ଗାନ୍ଧାର ଫିଲ୍ମ ଏହି ଚଳଚ୍ଚିତ୍ର ନିର୍ମାଣ କରିବ
ଏକ ସ୍ୱତନ୍ତ୍ର ରିପୋର୍ଟ ଅନୁଯାୟୀ, ‘ଭାଗମ୍ ଭାଗ’ର ସିକ୍ୱେଲ ଗାନ୍ଧାର ଫିଲ୍ମ ଦ୍ୱାରା ନିର୍ମିତ ହେବ । ଏହି ରିପୋର୍ଟରେ ଦର୍ଶାଯାଇଛି ଯେ ସିକ୍ୱେଲର ରୂପରେଖା ପାଇଁ କାମ କରାଯାଉଛି ଏବଂ ଖୁବ ଶୀଘ୍ର କାଷ୍ଟିଂ କାଉଚ ଆରମ୍ଭ ହେବ । ପ୍ରିୟଦର୍ଶନ ନିର୍ଦ୍ଦେଶକ ଭାବରେ ଫେରିବେ ନା କୌଣସି ମୂଳ କାଷ୍ଟ ସେମାନଙ୍କ ଭୂମିକାରେ ଅଭିନୟ କରିବେ ତାହା ସ୍ପଷ୍ଟ ହୋଇନାହିଁ ।
ଏହି ରିପୋର୍ଟ ବଢାଇଲା ପ୍ରଶଂସକଙ୍କ ଉତ୍ସାହ
ଶେଷ ଚଳଚ୍ଚିତ୍ର ମଧ୍ୟରୁ 'ଭାଗମ୍ ଭାଗ' ଏକ ଫିଲ୍ମ ଥିଲା, ଯେଉଁଥିରେ ଅକ୍ଷୟ କୁମାର ଏବଂ ଗୋବିନ୍ଦା ଏକାଠି କାମ କରିଥିଲେ । ଫିଲ୍ମ ପ୍ରିୟଦର୍ଶନ ଏବଂ ନୀରଜ ବୋରାର ପୁନଃମିଳନକୁ ମଧ୍ୟ ଚିହ୍ନିତ କରିଥିଲା, ଯିଏ ‘ହେରା ଫେରି’, ‘ହଙ୍ଗାମା’ ଏବଂ ‘ହଲଚଲର’ ଭଳି ଅନେକ ସଫଳ କମେଡି ଚଳଚ୍ଚିତ୍ରରେ ଏକାଠି କାମ କରିଥିଲେ । ଏହି ଚଳଚ୍ଚିତ୍ରଟି ହାସ୍ୟ, ରହସ୍ୟ, ଆକ୍ସନ ଏବଂ ରୋମାନ୍ସର ମିଶ୍ରଣ ଥିଲା ଏବଂ ଏହାର କାହାଣୀ ଏବଂ ହୃଦୟ ଜିତିଥିବା ସଂଳାପ ପାଇଁ ପ୍ରଶଂସିତ ହୋଇଥିଲା । କେବଳ ଏକ ସିକ୍ୱେଲ ତିଆରି କରିବାର ରିପୋର୍ଟ ଯୋଗୁଁ ପ୍ରଶଂସକଙ୍କ ଆଶା ବହୁତ ବୃଦ୍ଧି ପାଇଛି । ତଥାପି, ଏହି ରିପୋର୍ଟଗୁଡିକ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ମୋହର ଲାଗିନାହିଁ ।
