ମୁମ୍ବାଇ: ବଲିଉଡର ଡ୍ରାମା କୁଇନ୍ ରାକ୍ଷୀ ସାୱନ୍ତ ତାଙ୍କ ପୂର୍ବତନ ସ୍ୱାମୀ ଆଦିଲ ଖାନଙ୍କ ପାଇଁ କିଛି ମାସ ପୂର୍ବରୁ ଲାଇମଲାଇଟରେ ଥିଲେ । ଉଭୟଙ୍କ ମଧ୍ୟରେ ବିବାଦ ଉପୁଜିବା ପରେ ଆଦିଲ ଖାନ୍ଙ୍କୁ ଗିରଫ କରାଯାଇଥିଲା । ବର୍ତ୍ତମାନ ଆଦିଲ ଜେଲରୁ ବାହାରିଛନ୍ତି, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ସେ ବାହାରକୁ ଆସିବା ମାତ୍ରେ ହିଁ ରାକ୍ଷୀ ସାୱନ୍ତଙ୍କ ପୋଲ୍ ଖୋଲିବା କଥା କହିଛନ୍ତି ।
ପାପାରାଜିର ଏକ ଇନଷ୍ଟାଗ୍ରାମ ଭିଡିଓ ସେୟାର କରିଛନ୍ତି, ଯେଉଁଥିରେ ଆଦିଲ ଖାନ କଳା ଏବଂ ଧଳା ଟ୍ରାକ ସୁଟରେ ପ୍ୟାପ୍ସ ସହିତ କଥାବାର୍ତ୍ତା କରୁଥିବା ଦେଖିବାକୁ ମିଳିଛି । ସେ କହୁଛନ୍ତି, 'ମୋ ସହିତ ବହୁତ କିଛି ଖରାପ ଘଟିଥିଲା । ବହୁତ ଦିନ ପରେ ମୁଁ ବାହାରକୁ ଆସିଛି । ମୁଁ ଏକ ସାମ୍ବାଦିକ ସମ୍ମିଳନୀ କରିବି ଏବଂ ସବୁକିଛି ପର୍ଦ୍ଦାଫାସ କରିବି । ବର୍ତ୍ତମାନ ମୋତେ ଜେଲରେ ରଖି କେହି ପ୍ରଚାର କରିପାରିବେ ନାହିଁ । ମୁଁ ଖୁବ୍ ଶୀଘ୍ର ଏକ ସାମ୍ବାଦିକ ସମ୍ମିଳନୀ କରିବି, ଆଜି କିମ୍ବା ଆସନ୍ତାକାଲି କରିବି । ସମସ୍ତେ ଆସନ୍ତୁ, ମୋ ସହିତ କ’ଣ ଘଟିଲା, କାହିଁକି ଘଟିଲା ଏବଂ କେଉଁ କାରଣରୁ ଏହା ଘଟିଲା ମୁଁ ସମସ୍ତଙ୍କୁ କହିବି । ମୋ କାହାଣୀ ଅର୍ଥାତ ମୋ ସହ ଯାହା ଘଟିଥିଲା ସବୁକିଛି କହିବି ।’
ଏହା ମଧ୍ୟ ପଢନ୍ତୁ: ରାକ୍ଷୀ ସାୱନ୍ତଙ୍କ ସ୍ବାମୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ
ଏହି ସମୟରେ ଆଦିଲଙ୍କୁ ପଚରାଯାଇଥିଲା କି, ବାହାରକୁ ଆସିବା ପରେ ତାଙ୍କର ରାକ୍ଷୀ ସାୱନ୍ତଙ୍କ ସହ ସମ୍ପର୍କ ଅଛି କି, ଯାହାକୁ ନେଇ ଆଦିଲ କୁହନ୍ତି, ମୁଁ ତୁମକୁ ସବୁକିଛି କହିବି । ମୁଁ ଏକ ସାମ୍ବାଦିକ ସମ୍ମିଳନୀ କରିବି ଏବଂ ଏହି ଲୋକମାନେ ମୋତେ କିପରି ଦୋଷୀ କରିଛନ୍ତି ସବୁକିଛି କହିବି । ରାକ୍ଷୀ ସାୱନ୍ତ ଏହା କରିଥିଲେ ଏବଂ ତାଙ୍କ ସହିତ ଅନେକ ଲୋକ ଥିଲେ ଯେଉଁମାନେ ମୋତେ ଫ୍ରେମ୍ କରିଥିଲେ ।
କିଛି ମାସ ପୂର୍ବେ ରାକ୍ଷୀ ସାୱନ୍ତ ଆଦିଲଙ୍କ ନାଁରେ ଅନୈତିକ ସମ୍ପର୍କ ରଖିଥିବା ଅଭିଯୋଗ କରିଥିଲେ । ଏଥିସହ ସେ କହିଥିଲେ ଯେ ଆଦିଲ ତାଙ୍କୁ ମାଡ ମାରୁଥିଲେ । ଅଭିନେତ୍ରୀଙ୍କ ଅଭିଯୋଗ ଉପରେ ତୁରନ୍ତ କାର୍ଯ୍ୟ କରି ମୁମ୍ବାଇ ପୋଲିସ ଆଦିଲଙ୍କୁ ମୁମ୍ବାଇର ଓସିୱାରା ପୋଲିସ ଷ୍ଟେସନକୁ ଆଣିଥିଲା ଏବଂ ପରେ ଗିରଫ କରାଯାଇଥିଲା । ଏଥିସହ ଅଭିନେତ୍ରୀ ଆଦିଲଙ୍କ ବିରୋଧରେ ୧ କୋଟି ଟଙ୍କା ସହ ଘରୁ ଜିନିଷ ଚୋରି କରି ପଳାଇବା ଭଳି ଅଭିଯୋଗ ମଧ୍ୟ ଆଣିଥିଲେ ।
ସବୁବେଳେ ବିବାଦରେ ରହୁଥିବା ଡ୍ରାମା କୁଇନ ରାକ୍ଷୀ ନିଜ ବୟଫ୍ରେଣ୍ଡ ଆଦିଲ ଦୁରାନିଙ୍କୁ ବିବାହ କରିଥିଲେ । ଉଭୟ ପରସ୍ପରକୁ ଦୀର୍ଘ ଦିନ ହେଲା ଡେଟ୍ କରିବା ପରେ ଶେଷରେ ବିବାହ ବନ୍ଧନରେ ବାନ୍ଧି ହୋଇଥିଲେ । ଆଦିଲ ଜଣେ ବ୍ୟବସାୟୀ ଓ ସେ ରାକ୍ଷୀଙ୍କ ଠାରୁ ୬ ବର୍ଷ ସାନ । ଦୁହେଁ କୋର୍ଟରେ ବିବାହ କରିଥିଲେ । ଅଭିନେତ୍ରୀଙ୍କ ବିବାହ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ସ ବହୁତ ଆଶ୍ଚର୍ଯ୍ୟ ହୋଇଯାଇଥିଲେ । ଅଭିନେତ୍ରୀ ବିବାହ ପ୍ରମାଣପତ୍ରରେ ଦସ୍ତଖସ୍ତ କରୁଥିବାର ଏବଂ ବରମାଳା ପିନ୍ଧାଉଥିବାର କିଛି ଫଟୋ ପୋଷ୍ଟ କରିଥିଲେ ।
