ହାଇଦ୍ରାବାଦ: ସନ୍ନି ଦେଓଲଙ୍କ ଚଳଚ୍ଚିତ୍ର ଗଦର 2 ବକ୍ସ ଅଫିସରେ ରେକର୍ଡ ପରେ ରେକର୍ଡ ଭାଙ୍ଗୁଛି । 65 ବର୍ଷ ବୟସରେ ମଧ୍ୟ ତାଙ୍କ ଚଳଚ୍ଚିତ୍ର କ୍ୟାରିୟର ଚମତ୍କାର, କିନ୍ତୁ ରାଜନୀତି ମାମଲାରେ ତାଙ୍କର ରିପୋର୍ଟ କିଛି ଖାସ୍ ନୁହେଁ । ଗୁରୁଦାସପୁରବାସୀ ତାଙ୍କ ଉପରେ ରାଗିଛନ୍ତି । ଏହା ସହିତ ସେ ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମନା କରିଦେଇଛନ୍ତି । 2019 ନିର୍ବାଚନ ପୂର୍ବରୁ ସନ୍ନି ଦେଓଲ ରାଜନୀତିରେ ପ୍ରବେଶ କରିଥିଲେ, ବିଜେପି ତାଙ୍କୁ ଟିକେଟ୍ ଦେଇଥିଲା ଏବଂ ସନ୍ନି ଗୁରୁଦାସପୁରରୁ ମଧ୍ୟ ଜିତିଥିଲେ ।
ଏକ ସମୟ ଥିଲା ଯେତେବେଳେ ସନ୍ନି ଦେଓଲଙ୍କ ଅନେକ ଚଳଚ୍ଚିତ୍ର କ୍ରମାଗତ ଭାବରେ ବକ୍ସ ଅଫିସରେ ଫ୍ଲପ୍ ହେଉଥିଲା । ସେତେବେଳେ ତାଙ୍କର ଚଳଚ୍ଚିତ୍ର କ୍ୟାରିୟର ସେତେଟା ଭଲ ନଥିଲା ଏବଂ ସେ ରାଜନୀତିରେ ପ୍ରବେଶ କରିବା ମାତ୍ରେ ତାଙ୍କର ରାଜନୈତିକ ଯାତ୍ରା ଏକ ବିଜୟରୁ ଆରମ୍ଭ ହୋଇଥିଲା । କିନ୍ତୁ 2024 ନିର୍ବାଚନ ପୂର୍ବରୁ ସନ୍ନି ଦେଓଲ ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମନା କରି ଦେଇଛନ୍ତି । ତାଙ୍କ ଚଳଚ୍ଚିତ୍ର ଗଦର 2ର ସଫଳତା ହେତୁ ସନ୍ନି ଦେଓଲ ବର୍ତ୍ତମାନ ସାରା ଦେଶରେ ଚର୍ଚ୍ଚାରେ ଅଛନ୍ତି, ତାଙ୍କ ଫିଲ୍ମ ସୁପର ହିଟ୍ ହୋଇପାରିଛି, 400 କୋଟିରୁ ଅଧିକ ଆୟ କରିଛି, କିନ୍ତୁ ସେ ବର୍ତ୍ତମାନ ରାଜନୀତି ଠାରୁ ଦୂରରେ ଅଛନ୍ତି ।
କିଛି ଦିନ ପୂର୍ବରୁ ସନ୍ନି ଦେଓଲ ଏକ ସାକ୍ଷାତକାରରେ କହିଥିଲେ ଯେ ସେ 2024 ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ । ସେ କହିଥିଲେ, ମୁଁ ଜଣେ ଅଭିନେତା ଭାବରେ ଦେଶ ସେବା କରିବାକୁ ଚାହେଁ, କିନ୍ତୁ ରାଜନୀତିରେ କାମ କରିବା ମୋ ପକ୍ଷେ ସମ୍ଭବ ନୁହେଁ । କେବଳ ସନ୍ନି ଦେଓଲ ନୁହଁନ୍ତି, ତାଙ୍କ ପୂର୍ବରୁ ତାଙ୍କ ପିତା ତଥା ବଲିଉଡ ଅଭିନେତା ଧର୍ମେନ୍ଦ୍ର ମଧ୍ୟ ରାଜନୀତିରେ ଅସନ୍ତୋଷ ପ୍ରକାଶ କରିଥିଲେ ।
ଏହା ମଧ୍ୟ ପଢନ୍ତୁ: Gadar 2 vs OMG 2: 13 ଦିନରେ ଏତିକି କଲେକ୍ସନ କଲା ଗଦର 2 ଏବଂ ଓଏମଜି 2
ଧର୍ମେନ୍ଦ୍ର ବିକାନେରରୁ ବିଜେପି ଟିକେଟରେ ପ୍ରତିଦ୍ୱନ୍ଦ୍ୱିତା କରିଥିଲେ
ସନ୍ନି ଦେଓଲଙ୍କ ପିତା ଧର୍ମେନ୍ଦ୍ର ଅନେକ ଦଶନ୍ଧି ଧରି ବଲିଉଡରେ ରାଜ୍ କରୁଥିଲେ । 87 ବର୍ଷ ବୟସରେ ମଧ୍ୟ ସେ କ୍ରମାଗତ ଭାବରେ ଚଳଚ୍ଚିତ୍ର କରୁଛନ୍ତି, କିନ୍ତୁ ତାଙ୍କର ରାଜନୈତିକ ଯାତ୍ରା ଅତ୍ୟନ୍ତ ଖରାପ ଥିଲା । ବର୍ଷେ ପୂର୍ବରୁ ଏକ ସାକ୍ଷାତକାରରେ ଧର୍ମେନ୍ଦ୍ର କହିଥିଲେ, “ମୁଁ କେବେ ଭାବି ନଥିଲି ଯେ ମୁଁ ରାଜନୀତିରେ ଯିବି, ମୁଁ କହୁଥିଲି ଯେ ରାଜନୀତିରେ ଭଲ ଲୋକ ନଥାନ୍ତି, କିନ୍ତୁ ମୋର ବନ୍ଧୁମାନେ କହୁଥିଲେ ଯେ ରାଜନୀତିରେ ଭଲ ଲୋକ ନଆସିଲେ, ଭଲ କେମିତି ହେବ ? ମୋତେ ଲାଗୁଥିଲା ମୁଁ ହିଁ ଭଲ, ଯଦି ମୁଁ ଯାଏ ତେବେ ମୁଁ ଦେଶ ବଦଳାଇଦେବି, କିନ୍ତୁ ସେହି 5ବର୍ଷ ମୋ ଜୀବନରେ ଏକ କଷ୍ଟକର ସମୟ ଥିଲା । ମୁଁ କେବଳ ଜାଣେ ସେହି ପାଞ୍ଚ ବର୍ଷରେ ବିକାନେର୍ ପାଇଁ ମୁଁ କ’ଣ କରିଥିଲି, ତଥାପି ମୁଁ ଶ୍ରେୟ ପାଇଲି ନାହିଁ, ମୁଁ କାମ କରୁଥିଲି, କିନ୍ତୁ ଲୋକମାନେ ପସନ୍ଦ କରୁନଥିଲେ । ସେ ସମୟ ବହୁତ କଷ୍ଟସାଧ୍ୟ ଥିଲା, ଯେତେବେଳେ ମୁଁ ରାଜନୀତିରେ ଯୋଗଦେବା ପାଇଁ ହଁ କହିଥିଲି ।’’
ଏହା ମଧ୍ୟ ପଢନ୍ତୁ: ବଡ ଘୋଷଣା କଲେ ସନ୍ନି ଦେଓଲ, 2024 ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେନି
ସନ୍ନିଙ୍କ ଉପରେ ନାରାଜ ଗୁରୁଦାସପୁରର ଲୋକେ
ବର୍ଷେ ପୂର୍ବରୁ ଯେଉଁ କଥା ଧର୍ମେନ୍ଦ୍ର କହୁଥିଲେ ଏବଂ ରାଜନୀତିରୁ ନିଜକୁ ଦୂରେଇ ରଖିଥିଲେ, ସେହି ଅବସ୍ଥା ଆଜି ସନ୍ନିଙ୍କର ହୋଇଛି । ସେ ମଧ୍ୟ ଏହା କହିଛନ୍ତି ଯେ ମୁଁ ରାଜନୀତିରେ କାମ କରିପାରିବି ନାହିଁ। ସନ୍ନିଙ୍କୁ ନେଇ ପ୍ରାୟତଃ ତାଙ୍କ ସଂସଦୀୟ ନିର୍ବାଚନମଣ୍ଡଳୀ ଗୁରୁଦାସପୁରର ଲୋକ ଅସନ୍ତୋଷ ପ୍ରକାଶ କରୁଛନ୍ତି । ଅନେକ ଥର ତାଙ୍କ ନିଖୋଜ ହେବାର ପୋଷ୍ଟର ମଧ୍ୟ ରଖାଯାଇଥିଲା । ଏପରିକି ସେଠାରେ ଥିବା ଲୋକମାନେ ସନ୍ନିଙ୍କ ଫିଲ୍ମ ଗଦର ୨କୁ ବିରୋଧ କରିଥିଲେ। ଲୋକମାନେ କୁହନ୍ତି ଯେ ସନ୍ନି ସେଠାକାର ଲୋକଙ୍କୁ ଭେଟିବାକୁ କେବେ ଆସନ୍ତି ନାହିଁ ଏବଂ ତାଙ୍କ ଅଞ୍ଚଳର ବିକାଶ ପାଇଁ କିଛି କରିନାହାଁନ୍ତି ।
ହେମା ମାଳିନୀ ମଧ୍ୟ ରାଜନୀତିରେ ଅଛନ୍ତି
ଉଲ୍ଲେଖଥାଉ କି, ଧର୍ମେନ୍ଦ୍ରଙ୍କ ପତ୍ନୀ ହେମା ମଲିନୀ ରାଜନୀତିରେ ସକ୍ରିୟ ଅଛନ୍ତି । ସେ 2014 ଏବଂ 2019 ନିର୍ବାଚନରେ ବିଜେପି ଟିକେଟରେ ମଥୁରାରୁ ଜିତିଛନ୍ତି । ଏଥର ମଧ୍ୟ ହେମା ମାଳିନୀ ସମାନ ଦାବି କରୁଛନ୍ତି ଯେ ଯଦି ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ତେବେ ଏହା କେବଳ ମଥୁରାରୁ ହେବ।
