ହାଇଦ୍ରାବାଦ: ହିନ୍ଦୀ ସିନେମାର ସମ୍ରାଟ ଅମିତାଭ ବଚ୍ଚନଙ୍କ ଘରୁ ଖରାପ ଖବର ଆସିଛି। ବାସ୍ତବରେ ଅଭିଷେକ ବଚ୍ଚନ ତାଙ୍କ ପତ୍ନୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସହ କାନ୍ସ ଫିଲ୍ମ ଫେଷ୍ଟିଭାଲ 2022ରୁ ଫେରିଛନ୍ତି । ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ଘରେ ପହଞ୍ଚିବା ମାତ୍ରେ ଏହି ଖରାପ ଖବର ଶୁଣିବାକୁ ପାଇଲେ । ଅଭିଷେକ ବଚ୍ଚନ ସୋସିଆଲ ମିଡିଆରେ କହିଛନ୍ତି ଯେ, ତାଙ୍କ ପରିବାରର ଦରଜିଙ୍କ ଦେହାନ୍ତ ହୋଇଛି।
- " class="align-text-top noRightClick twitterSection" data="
">
ଏହି ଖରାପ ଖବରକୁ ନିଜ ଇନଷ୍ଟାଗ୍ରାମରେ ବର୍ଣ୍ଣନା କରିବାବେଳେ ଅଭିଷେକ ବଚ୍ଚନ ଲେଖିଛନ୍ତି, 'ଏକ ଖରାପ ଖବର ସହିତ ଘରକୁ ଫେରିଛି, ଚଳଚ୍ଚିତ୍ର ଜଗତର ଅନ୍ୟତମ ଶ୍ରେଷ୍ଠ ଆକବର ଶାହପୁରୱାଲାଙ୍କର ଦେହାନ୍ତ ହୋଇଛି, ମୁଁ ତାଙ୍କୁ ଅକ୍କି ଅଙ୍କଲ ନାମରେ ଡାକୁଥିଲି। ଯେତେ ପର୍ଯ୍ୟନ୍ତ ମୋର ମନେ ଅଛି, ସେ ମୋ ବାପାଙ୍କ କଷ୍ଟ୍ୟୁମ ଏବଂ ତାଙ୍କ ସୁଟ ତିଆରି କରୁଥିଲେ । ଏହା ସହିତ ଏକ ଚଳଚ୍ଚିତ୍ରରେ ମଧ୍ୟ ମୋ ପାଇଁ କଷ୍ଟ୍ୟୁମ ତିଆରି କରୁଥିଲେ । ସେ ବ୍ୟକ୍ତିଗତ ଭାବରେ ମୋର ପ୍ରଥମ ସୁଟ୍ ସିଲେଇ କରିଥିଲେ, ଯାହା ମୋ ପାଖରେ ଏବେ ବି ଅଛି । ଏହି ସୁଟ୍କୁ ମୁଁ 'ରିଫ୍ୟୁଜି' ଚଳଚ୍ଚିତ୍ରର ପ୍ରିମିୟରରେ ପିନ୍ଧିଥିଲି ।
ଅଭିଷେକ ବଚ୍ଚନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ମଧ୍ୟ ସେୟାର କରିଛନ୍ତି, ଯାହା ସୁଟ ପୋଷାକର ଡିଜାଇନର୍ ଆକବରଙ୍କ ଦ୍ୱାରା ନିର୍ମିତ, ଯେଉଁଥିରେ ଆକବରଙ୍କ ନାମ ଇଂରାଜୀରେ ଲେଖାଯାଇଛି । ଏଥିସହିତ ଅମିତାଭ ବଚ୍ଚନ, କରଣ ଜୋହର ଏବଂ ଶ୍ୱେତା ନନ୍ଦାଙ୍କ ସମେତ ଅନେକ ସେଲିବ୍ରିଟି ଆକବର ଶାହପୁରୱାଲାଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
