ମୁମ୍ବାଇ: ବଲିଉଡର ଭେଟେରାନ ଅମିର ଖାନ (Aamir Khan)ଙ୍କ ମାଆ ଜିନତ ହୁସେନ୍ (Zeenat Hussain) ହୃଦଘାତରେ ପୀଡିତ ଥିବା ଜଣାଯାଇଛି । ସୂତ୍ରରୁ ପ୍ରକାଶ ଯେ, ଅମିର ଦୀପାବଳି ସମୟରେ ପଞ୍ଚଗାନିରେ ଥିବା ତାଙ୍କ ଘରେ ଥିଲେ, ଏହି ସମୟରେ ତାଙ୍କ ମାଆ ହୃଦଘାତରେ ପୀଡିତ ହୋଇଛନ୍ତି । ଅଭିନେତା ତାଙ୍କ ମାଆଙ୍କୁ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଇଛନ୍ତି । ଖବର ପାଇଁ ପରିବାରର ଅନ୍ୟ ସଦସ୍ୟମାନେ ତାଙ୍କୁ ହସ୍ପିଟାଲରେ ଭେଟିଛନ୍ତି ।
ମିଳିଥିବା ସୂଚନା ଅନୁଯାୟୀ, ଅମିରଙ୍କ ମାଆ ବର୍ତ୍ତମାନ ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେଠାରେ ତାଙ୍କର ଚିକିତ୍ସା ଚାଲିଛି । ଅଭିନେତା କିମ୍ବା ତାଙ୍କ ପରିବାର ଏପର୍ଯ୍ୟନ୍ତ କୌଣସି ସାର୍ବଜନୀନ ବୟାନ କିମ୍ବା ନିଶ୍ଚିତକରଣ କରିନାହାଁନ୍ତି । ଚଳିତ ବର୍ଷ ଆରମ୍ଭରେ ଅର୍ଥାତ୍ 13 ଜୁନ୍ରେ ଅମିର ଖାନ ତାଙ୍କ ପରିବାର ସହିତ ମାଆ ଜିନତ ହୁସେନ୍ଙ୍କ ଜନ୍ମଦିନ ପାଳନ କରିଥିଲେ । ଏହି ପାର୍ଟିରେ ଅଭିନେତାଙ୍କ ପୂର୍ବତନ ପତ୍ନୀ ତଥା ନିର୍ଦ୍ଦେଶକ-ନିର୍ମାତା କିରଣ ରାଓ ଏବଂ ତାଙ୍କ ପୁଅ ଆଜାଦ ରାଓ ଖାନ ମଧ୍ୟ ନଜର ଆସିଥିଲେ । କରଣ ଜୋହରଙ୍କ ଚାଟ୍ ସୋ 'କଫି ୱିଥ୍ କରଣ'ର ଲାଟେଷ୍ଟ ଏପିସୋଡରେ ଯୋଗ ଦେବା ସମୟରେ ଅମିର କହିଥିଲେ ଯେ, ସେ ତାଙ୍କ ପରିବାର ସହିତ ପର୍ଯ୍ୟାପ୍ତ ସମୟ ନବିତାଇବା ତାଙ୍କର ସବୁଠାରୁ ବଡ ଦୁଃଖ ।
ବର୍ତ୍ତମାନ ଅମିର କହିଛନ୍ତି, ଏବେ ସେ ତାଙ୍କ ଜୀବନରେ ପରିବାର ତଥା ସମ୍ପର୍କର ମହତ୍ତ୍ବକୁ ଗୁରୁତ୍ୱ ଦେଇ ତାଙ୍କ ମାଆ ଏବଂ ପିଲାମାନଙ୍କ ସହ ସମୟ ବିତାଇବା ପାଇଁ ଅତିରିକ୍ତ ପ୍ରୟାସ କରୁଛନ୍ତି । ଉଲ୍ଲେଖନୀୟ ଯେ, ଅମିର ଖାନଙ୍କ ଜନ୍ମ ଚଳଚ୍ଚିତ୍ର ନିର୍ମାତା ତାହିର ହୁସେନ୍ ଏବଂ ଜିନତ ହୁସେନଙ୍କ ଘରେ ହୋଇଥିଲା । ତାଙ୍କର ଅନେକ ସମ୍ପର୍କୀୟ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିର ସଦସ୍ୟ ଥିଲେ, ଯେଉଁଥିରେ ସ୍ୱର୍ଗତ ଦାଦା, ନିର୍ମାତା-ନିର୍ଦ୍ଦେଶକ ନାସିର ହୁସେନ୍ ସାମିଲ ଥିଲେ । ଚାରି ଭାଇଭଉଣୀଙ୍କ ମଧ୍ୟରୁ ଆମିର ହେଉଛନ୍ତି ଜ୍ୟେଷ୍ଠ । ତାଙ୍କର ଏକ ଭାଇ ଫୈସଲ ଖାନ ଏବଂ ଦୁଇ ଭଉଣୀ ଫରହତ ଏବଂ ନିଖତ ଖାନ ଅଛନ୍ତି ।
