ବ୍ରହ୍ମପୁର: ସରିଲା ଗଞ୍ଜାମ ଜିଲ୍ଲାର ପ୍ରଥମ ପର୍ଯ୍ୟାୟ ନିର୍ବାଚନ । ଗୁରୁବାର ଏଠାରେ ପାଞ୍ଚଟି ନିର୍ବାଚନ ମଣ୍ଡଳୀରେ ମତଦାନ ଶେଷ ହୋଇଛି । ତେବେ ମତଦାନ ଶେଷ ପରେ ଇଭିଏମ୍ ନେଇ ଷ୍ଟ୍ରଙ୍ଗ୍ ରୁମରେ ଜମା କରିଛନ୍ତି ପୁଲିଙ୍ଗ୍ ଅଧିକାରୀ ।
ଗଞ୍ଜାମ ଜିଲ୍ଲାର ବ୍ରହ୍ମପୁର ,ଗୋପାଳପୁର ,ଦିଗପହଣ୍ଡି ଓ ଚିକିଟି ନିର୍ବାଚନ ମଣ୍ଡଳୀର ସମସ୍ତ ବୁଥରେ ମତଦାନ ଗୁରୁବାର ଶେଷ ହୋଇଛି । ଏହାପରେ ଇଭିଏମ୍, ଭିଭିପାର୍ଟ ମେସିନ ସହ ସମସ୍ତ କାଗଜପତ୍ରକୁ ବ୍ରହ୍ମପୁର ସହରର ସରକାରୀ ଆଇ.ଟି.ଆଇ କଲେଜ ସହ ମହିଳା ପଲିଟେକନିକରେ ରହିଥିବା ସରକାରୀ ଅଧିକାରୀ ଓ କର୍ମଚାରୀଙ୍କ ନିକଟରେ ଦାଖଲ କରାଯାଇଛି ।
ତେବେ ବିଳମ୍ବିତ ରାତ୍ର ପର୍ଯ୍ୟନ୍ତ ସମସ୍ତ ବୁଥର ପୁଲିଙ୍ଗ୍ ଅଧିକାରୀମାନେ ବ୍ରହ୍ମପୁର ଏବଂ ଛତ୍ରପୁର ନିର୍ବାଚନ ମଣ୍ଡଳୀର ସମସ୍ତ ଇଭିଏମ୍ କୁ ଛତ୍ରପୁର ଅନସ୍ଲୋ ଶିକ୍ଷାନୁଷ୍ଠାନ ପରିସରରେ ରହିଥିବା ଷ୍ଟ୍ରଙ୍ଗ୍ ରୁମରେ ଦାଖଲ କରିଥିଲେ । ତେବେ କିଭଳି ଚାଲିଛି ବ୍ରହ୍ମପୁରରେ ଇଭିଏମ୍ ଦାଖଲ କାର୍ଯ୍ୟ ସେ ନେଇ ଭୋଟଦାନ କେନ୍ଦ୍ରରୁ ଫେରିଥିବା ପୁଲିଙ୍ଗ୍ ପାର୍ଟି ସହ ଆଲୋଚନା କରିଥିଲେ ଆମ ବ୍ରହ୍ମପୁରର ସମ୍ବାଦଦାତା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
