ଅନୁଗୋଳ: ଗାଁ ରୁ ଗାଁ ବୁଲିଲାଣି ପ୍ରଚାର ଗାଡି । ନେତା ବି ରୋଡ ସୋ କରୁଛନ୍ତି । ଷ୍ଟାର ପ୍ରଚାରକଙ୍କୁ ଡାକି ସମ୍ମିଳନୀ ମଧ୍ୟ କଲେଣି । ମୋଟାମୋଟି କହିବାକୁ ଗଲେ ଜୋରଦାର ଚାଲିଛି ପ୍ରଚାର । ଯେଉଁଠି ଦେଖିବ ସେଠି ଦଳୀୟ ପତାକା ଓ ପ୍ରାର୍ଥୀଙ୍କ ଫଟୋ ବି ଲାଗିଲାଣି । ଆମେ କହୁଛୁ ଓଡିଶା ବିଧାନସଭାର ୬୨ନଂ ବିଧାନସଭା ଆସନ ଛେଣ୍ଡିପଦାର କଥା ।
କେବଳ ବିଜେପି ନୁହେଁ, ବିଜେଡି ମଧ୍ୟ ଜୋରସୋରରେ ଜାରି ରଖିଛି ପ୍ରଚାର । ଦଳ ତରଫରୁ ବିଧାୟକ ଥିବା ସୁଶାନ୍ତ ବେହେରାଙ୍କୁ କରାଯାଇଛି ପ୍ରାର୍ଥୀ । ଆଉ ସେ ଗାଁଗାଁ ବୁଲି ମାଗୁଛନ୍ତି ଭୋଟ। ନବୀନ ସରକାରଙ୍କୁ ପାଥେୟ କରି ବିଜେଡ଼ିକୁ ଜିତାଇବେ ବୋଲି କହିଛନ୍ତି ସୁଶାନ୍ତ । ଆଉ ଉଭୟ ଦଳଙ୍କୁ କଡା ଟକ୍କର ଦେଉଛି କଂଗ୍ରେସ । କଂଗ୍ରେସ ପ୍ରାର୍ଥୀ ସସ୍ମିତା ବେହେରା ମଧ୍ୟ ନିଜ ସମର୍ଥକଙ୍କୁ ଧରି ଘର ଘର ବୁଲୁଛନ୍ତି ।
ତ୍ରିମୁଖି ଲଢେଇରେ କିଏ ମାରିବ ବାଜି ତାହା କହିବ ଫଳାଫଳ । କିନ୍ତୁ ବର୍ତ୍ତମାନ ପ୍ରଚାରରେ ଷ୍ଟାର ପ୍ରଚାରକ ବନାମ ଦଳୀୟ ପ୍ରାର୍ଥୀ ଲଢେଇ ମାହୋଲକୁ କରୁଛି ସରଗରମ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
