ମୁମ୍ବାଇ: ସାମ୍ବାଦିକଙ୍କ ନୃଶଂସ କାଣ୍ଡ । ବିବାହ ପାଇଁ କହିବାରୁ ପ୍ରେମିକାର ଗଳା କାଟି ହତ୍ୟା କଲା ସାମ୍ବାଦିକ ପ୍ରେମିକ । ଆଉ ଶେଷରେ ପ୍ରେମିକା ଶରୀରକୁ ଖଣ୍ଡ ଖଣ୍ଡ କରି କାଟି ପ୍ରମାଣ ନଷ୍ଟ ପାଇଁ ଉଦ୍ୟମ କରୁଥିବା ବେଳେ ବାନ୍ଧିଲା ପୋଲିସ । ଏଭଳି ଲୋମଟାଙ୍କୁରା ଘଟଣା ଘଟିଛି ମହାରାଷ୍ଟ୍ରର ଔରଙ୍ଗାବାଦ ଜିଲ୍ଲାରେ । ଗିରଫ ସାମ୍ବାଦିକ ଜଣଙ୍କ ହେଉଛନ୍ତି ସୌରଭ ଲାଖେ । ସେ ଜଣେ ଫ୍ରିଲାନ୍ସ ସମ୍ବାଦଦାତା ଭାବେ କାର୍ଯ୍ୟ କରୁଥିବା ଜଣାପଡିଛି । ମୃତ ପ୍ରେମିକା ଜଣଙ୍କ ବିବାହିତ ହୋଇଥିବା ବେଳେ ତାଙ୍କର ଏକ ତିନି ବର୍ଷର ଶିଶୁ ରହିଥିବା ଜଣାପଡିଛି ।
ପୋଲିସର ସୂଚନା ଅନୁଯାୟୀ, ମହିଳା ଜଣଙ୍କ ନିଜ ପରିବାର ଛାଡି ହୁଣ୍ଡୁକେ ଅଞ୍ଚଳରେ ଭଡା ଘରେ ରହୁଥିଲେ । ଅନେକ ସମୟରେ ସୌରଭ ତାଙ୍କୁ ଭେଟିବା ପାଇଁ ଆସନ୍ତି, ଦିନେ ମହିଳା ଜଣଙ୍କ ବିବାହ କରିବାକୁ ଜିଦ ଧରି ବସିବାରୁ ଏଥିରେ ଉତକ୍ଷିପ୍ତ ହୋଇଥିଲେ ସୌରଭ । ଫଳରେ ଘଟଣାସ୍ଥଳରେ ପ୍ରେମିକାକୁ ହତ୍ୟା କରି ପ୍ରମାଣ ନଷ୍ଟ କରିବାକୁ ଶରୀରର ପ୍ରତିଟି ଭାଗକୁ ଖଣ୍ଡ ଖଣ୍ଡ କରି କାଟି ଦେଇଥିଲେ । ଏହା ପରଦିନ ଶରୀରର ମୁଣ୍ଡ ଓ ହାତକୁ ଶିୟୁରର ଏକ ଗୋଦାମ ଘରେ ରଖିଥିଲେ । ଗତ ବୁଧବାର ଦିନ ଶରୀର ଅବଶିଷ୍ଟ ଭାଗକୁ ନେଇଯାଉଥିବା ବେଳେ ଘରର ମାଲିକ ଏହା ଦେଖି ପୋଲିସକୁ ଖବର ଦେଇଥିଲେ । ଏହାପରେ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିଥିଲା ।
