କୁଖ୍ୟାତ ବନ୍ଧୁକ ବେପାରୀ ଲୋକେନ୍ ଗିରଫ

ଗିରଫ ହେଲା ହାର୍ଡକୋର ଅପରାଧି ଲୋକେନ୍ ଗୁରୁ । ଲୋକେନ୍ ନାଁରେ କଟକର ବିଭିନ୍ନ ଥାନାରେ ମାମଲା ରହିଥିବା ବେଳେ ବନ୍ଧୁକ ବ୍ୟବସାୟକୁ ପେଶାରେ ପରିଣତ କରିଥିଲା ଅପରାଧି ଜଣଙ୍କ । ଅଧିକ ପଢନ୍ତୁ

କଟକ: ପୋଲିସ ପଞ୍ଝାରେ ହାର୍ଡକୋର ଅପରାଧି । ଗିରଫ ହେଲା ହାର୍ଡକୋର ଅପରାଧି ଲୋକେନ୍ ଗୁରୁ । ଚୌଦ୍ୱାର ବିରୂପା ପୋଲ ନିକଟରେ ଅପରାଧ କରିବା ପାଇଁ ଯୋଜନା କରିବା ବେଳେ ହ୍ୟାଣ୍ଡକପ ପକାଇଲା ଚୌଦ୍ୱାର ଥାନା ପୋଲିସ । ଗିରଫ ସମୟରେ ଏକ ବିଦେଶୀ ବନ୍ଧୁକ ଓ ଦୁଇଟି 9 ଏମଏମ ଅଫୁଟା ଗୁଳି ଜବତ କରିଛି ପୋଲିସ ।

ତେବେ ପୂର୍ବରୁ କଟକରେ ବନ୍ଧୁକ ବ୍ୟବସାୟ କରି ନିଜର ଅପରାଧିକ ସାମ୍ରାଜ୍ୟ ବୃଦ୍ଧି କରୁଥିଲା ଲୋକେନ୍ । ଦୀର୍ଘ ଦିନ ଧରି ପୋଲିସ ସହ ଲୁଚକାଳୀ ଖେଳିବା ପରେ ଗତକାଲି ଲୋକେନକୁ ଗିରଫ କରି କୋର୍ଟ ଚାଲାଣ କରିଛି କମିଶନରେଟ ପୋଲିସ । ତେବେ ଲୋକେନ୍ ନାଁରେ କଟକର ବିଭିନ୍ନ ଥାନାରେ ମାମଲା ରହିଛି । ବନ୍ଧୁକ ବ୍ୟବସାୟକୁ ପେଶାରେ ପରିଣତ କରିଥିଲା ଏହି ଅପରାଧି ଜଣଙ୍କ । ତେବେ ଲୋକେନ୍ ବିକ୍ରି କରୁଥିବା ବନ୍ଧୁକ କେଉଁଠିକି ଯାଉଥିଲା ଓ ଆଉ କେଉଁ ମାନେ ଏଥିରେ ସାମିଲ ଅଛନ୍ତି ତାହାକୁ ନେଇ ଅଧିକ ତଦନ୍ତ ଜାରି ରଖିଛି ପୋଲିସ ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ