ଭୁବନେଶ୍ବର: ବରିଷ୍ଠ ସାମ୍ବାଦିକଙ୍କ ପୁଅ ମନୀଷ ଅନୁରାଗଙ୍କ ମୃତ୍ୟୁ ମାମଲା । ଏହି ମାମଲାରେ ୩ ଜଣଙ୍କୁ ଗିରଫ କଲା କମିସନରେଟ ପୋଲିସ । ତେବେ ପ୍ରମାଣ ଅଭାବରୁ ଅନ୍ୟ ଜଣଙ୍କୁ ପୋଲିସ ଛାଡିଦେଇଥିବା ସୂଚନା ମିଳିଛି ।
ମନୀଷ ଅନୁରାଗ ମୃତ୍ୟୁ ମାମଲା, ୩ ଜଣଙ୍କୁ ଗିରଫ କଲା କମିସନରେଟ ପୋଲିସ
ଗିରଫ ୩ ହେଉଛନ୍ତି ଦିନେଶ ମହାପାତ୍ର,ମୃତ୍ୟୁଞ୍ଜୟ ମିଶ୍ର ଓ ଅମ୍ରିତ ବିଶ୍ବାଳ । ଏନେଇ କମିସନରେଟ ପୋଲିସ ପକ୍ଷରୁ ସୂଚନା ମିଳିଛି । ଆଜି ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବା ନେଇ ସୂଚନା ମିଳିଛି । ତେବେ ମନୀଷଙ୍କ ମୃତ୍ୟୁ ପୂର୍ବରୁ ଅମ୍ରିତ ମନୀଷଙ୍କୁ ପିକଅପ କରିଥିଲେ ପଟିଆ ଇନଫୋସିଟି ଅଞ୍ଚଳରୁ। ଏହାପରେ ସାଉଥସିଟି ବାରରେ ମନୀଷଙ୍କ ସହ ଭେଟ ହୋଇଥିଲେ ମୃତ୍ୟୁଞ୍ଜୟ ଓ ଦିନେଶ । ତେବେ ଏହି ଘଟଣା ସମ୍ପର୍କରେ ଖୁବଶୀଘ୍ର କମିଶନରେଟ ପୋଲିସ ଖୁଲାସା କରିବା ନେଇ ସୂଚନା ମିଳିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
