ସମ୍ବଲପୁର: ବୁର୍ଲା VSSUT ଇଞ୍ଜିନିୟରିଂ ୟୁନିଭରସିଟିରେ ଜୁନିୟର ଛାତ୍ରଙ୍କୁ ସିନିୟର ଛାତ୍ରଙ୍କ ରାଗିଂ ଘଟଣାରେ 6 ଛାତ୍ରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ । ବିଶୃଙ୍ଖଳିତ ଆଚରଣ ପାଇଁ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ନେଇଛନ୍ତି କାର୍ଯ୍ୟାନୁଷ୍ଠାନ । ଷ୍ଟୁଡେଣ୍ଟ ଓ୍ୱେଲଫେୟାର ଡିନଙ୍କ ଆକାଉଣ୍ଟରେ ପ୍ରତି ଛାତ୍ର ପିଛା 15 ହଜାର ଟଙ୍କା ଲେଖାଏଁ ଜମା କରିବାକୁ 6 ଜଣ ଛାତ୍ରଙ୍କ ଅବିଭାବକ ମାନଙ୍କୁ ନିର୍ଦ୍ଦେଶ ରହିଛି । ଏହାସହ ଏହି 6 ଜଣ ଛାତ୍ରଙ୍କ ସପ୍ତମ ସେମିଷ୍ଟାରରେ ପ୍ରଥମ ଦୁଇଟି ବିଷୟରେ ଗୋଟିଏ ଲେଖାଏଁ ଗ୍ରେଡ ପଏଣ୍ଟ ହ୍ରାସ କରିବା ପାଇିଁ ମଧ୍ୟ ନିର୍ଦ୍ଦେଶ ରହିଛି ।
ଆସନ୍ତା ଜାନୁଆରୀ 31 ତାରିଖ ମଧ୍ୟରେ 20 ଟଙ୍କିଆ ନନ୍ ଜୁଡିସିଆଲ ଷ୍ଟାମ୍ପ ପେପରରେ ଏକ ଅଣ୍ଡରଟେକିଂ ଲେଖି ଦେବାକୁ ସମସ୍ତ ଛାତ୍ରଛାତ୍ରୀଙ୍କୁ ନୋଟିସ ମାଧ୍ୟମରେ ଅବଗତ କରିଛନ୍ତି ଭିସୁଟ ରେଜିଷ୍ଟାର । ସୂଚନା ଅନୁସାରେ ଗତ ଡିସେମ୍ବର 17 ତାରିଖରେ ପ୍ରଡକ୍ସନ ଇଞ୍ଜିନିୟରିଂର ଦ୍ୱିତୀୟ ବର୍ଷର ଜଣେ ଛାତ୍ରଙ୍କୁ ସିନିୟର 6 ଜଣ ଛାତ୍ର କ୍ୟାମ୍ପସ ବାହାରେ ମଦ ପିଇ ମାଡ ମାରିଥିବା ନେଇ ଅଭିଯୋଗ ହୋଇଥିଲା । ଏହି ଅଭିଯୋଗ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
ସମ୍ବଲପୁରରୁ ବାଦଶାହ ଜୁଷ୍ମନ ରଣା ,ଇଟିଭି ଭାରତ
