ସମ୍ବଲପୁର: ମା' ସହ ନାଳକୁ ଗାଧୋଇବାକୁ ଯାଇ ପାଣିରେ ବୁଡି ଦୁଇ ଶିଶୁଙ୍କ ମୃତ୍ୟୁ ଘଟିଛି। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ରେଢ଼ାଖୋଲ ଉପଖଣ୍ଡ ଚାରମାଳ ଥାନା ଅଞ୍ଚଳରେ । ଜିଲ୍ଲାର ରେଢାଖୋଲ ଚାରମାଳ ଥାନା ଅନ୍ତର୍ଗତ ଚୁଡାପୁଡୁଗ୍ ଗ୍ରାମର ଏକ ନାଳକୁ ଗାଧୋଇବାକୁ ଯାଇଥିବାବେଳେ ପାଣିରେ ବୁଡି ଦୁଇ ଶିଶୁଙ୍କ ମୃତ୍ୟୁ ଘଟିଛି ।
ସୂଚନାନୁସାରେ 2 ଶିଶୁ ସେମାନଙ୍କ ମା'ଙ୍କ ଗାଁ ପାଖରେ ବହୁଥିବା ସୁରୁବାଲି ନାଳକୁ ଗାଧୋଇବାକୁ ଯାଇଥିବାବେଳେ ଘଟିଛି ଏଭଳି ଅଘଟଣ । ମା' ଅନ୍ୟମନସ୍କ ଥିବା ସମୟରେ ଶିଶୁ ଦୁଇଟି ପାଣିରେ ବୁଡି ଯାଇଥିଲେ ବୋଲି ସୂଚନା ମିଳିଛି । ପରେ ଦୁଇ ଶିଶୁଙ୍କୁ ଉଦ୍ଧାର କରି ରେଢାଖୋଲ ଡାକ୍ତରଖାନାକୁ ନିଆଯାଇଥିବାବେଳେ ହସ୍ପିଟାଲରେ ତାଙ୍କୁ ମୃତ ଘୋଷଣା କରାଯାଇଥିଲା ।
ଶିଶୁଦ୍ବୟଙ୍କ ବାପା ଦାଦନ ଖଟିବାକୁ ଚେନ୍ନାଇ ଯାଇଥିବା ନେଇ ସୂଚନା । ଏଭଳି ସ୍ଥିତିରେ ଘରେ ତାଙ୍କ ମା' ଏକା ଥିବା ଜଣାପଡିଛି । ମୃତ 2 ଶିଶୁ ଦ୍ବୟଙ୍କ ବୟସ 4 ଓ 5 ବର୍ଷ ହୋଇଥିବା ଜଣାପଡିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
