ସମ୍ବଲପୁର : ସମଲେଇ ଯୋଜନା ନେଇ ପୂଜକଙ୍କ ଅସନ୍ତୋଷ । ଯୋଜନା ଆରମ୍ଭ ପୂର୍ବରୁ ଜିଲ୍ଲା ପ୍ରଶାସନ ପକ୍ଷରୁ ମନ୍ଦିର ନିକଟରେ ଥିବା ପୂଜକଙ୍କ ଘର ସବୁ ଉଚ୍ଛେଦ କରାଯିବା ପୂର୍ବରୁ ଅନ୍ୟତ୍ର ଘରଡିହ ପଟ୍ଟା ଦେବାସହ ନୂତନ ଘର ଦିଆଯିବ ବୋଲି ପ୍ରତିଶ୍ରୁତି ଦିଆଯାଇଥିଲା । ତେବେ ବର୍ତ୍ତମାନ ପ୍ରତିଶ୍ରୁତି ମୁତାବକ କାମ ହେଉନଥିବା ପୂଜକମାନେ ଅଭିଯୋଗ କରିଛନ୍ତି ।
ସମଲେଶ୍ୱରୀ ମନ୍ଦିର ପୂଜକଙ୍କ ଦାବି, ସ୍ଥାନାନ୍ତର ପୂର୍ବରୁ କରାଯାଉ ଥଇଥାନ
ନୂତନ ଘର ଠାରେ ଥଇଥାନ ନକରି ତାଙ୍କ ଘର ଭାଙ୍ଗି ଦେବାକୁ ପ୍ରଶାସନ ଉଦ୍ୟମ କରୁଥିବା ପୂଜକ ଅଭିଯୋଗ କରିଛନ୍ତି । ଏହାସହ ପୂଜକଙ୍କୁ ଅନ୍ୟତ୍ର ଭଡାରେ ରହିବାକୁ କୁହାଯାଉଥିବା ପୂଜକ ଅଭିଯୋଗ କରିଛନ୍ତି । ତେବେ ପୂଜକମାନେ ଅନ୍ୟତ୍ର ଭଡାରେ ରହିଲେ ମନ୍ଦିର ପୂଜା ଓ ରୀତିନୀତିରେ ବିଳମ୍ବ ହେବ ବୋଲି ପୂଜକ ଅଭିଯୋଗ କରିଛନ୍ତି । ଏହାସହ ପୂର୍ବରୁ ମିଳିଥିବା ପ୍ରତିଶ୍ରୁତି ମୁତାବକ ଯେତିକି ପରିମାଣର ଘରଡିହ ଜମି ଦେବାକୁ ଘୋଷଣା କରାଯାଇଥିଲା ତାହାଠୁ କମ ଜମି ଦିଆଯାଉଥିବା ପୂଜକ ଅଭିଯୋଗ କରିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
