ସମ୍ବଲପୁର: ଜୁଲାଇ ମାସ ଶେଷ ହେବାକୁ ଆଉ ଦୁଇଦିନ ବାକିଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ହୀରାକୁଦ ଜଳଭଣ୍ଡାରରେ ଜଳସ୍ତର 6 ଶହ ଫୁଟରେ ପହଞ୍ଚିପାରିନାହିଁ । ଯାହା ଜଳ ଭଣ୍ଡାର ଏବଂ ରାଜ୍ୟ ପାଇଁ ଚିନ୍ତା ବଢାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ତେବେ ଗତ ଦୁଇଦିନ ମଧ୍ୟରେ ନଦୀବନ୍ଧର ଉପର ମୁଣ୍ଡରେ ବର୍ଷା ହେବାରୁ ଜଳସ୍ତର ସାମାନ୍ୟ ବଢିଛି କିନ୍ତୁ ତାହା ମଧ୍ୟ ଯଥେଷ୍ଟ ନୁହେଁ । ବର୍ତ୍ତମାନ ଜଳସ୍ତର 598 ଫୁଟରୁ 598.87ଫୁଟ ରେ ପହଞ୍ଚିଛି । ଜଳଭଣ୍ଡାରର ସର୍ବୋଚ୍ଚ ଜଳ ଧାରଣ କ୍ଷମତା 630 ଫୁଟ ଥିବାବେଳେ ଗତ କିଛିଦିନ ହେଲା ଜଳସ୍ତର କମିବାରେ ଲାଗିଛି ।
ଯାହାର ସିଧା ସଳଖ ପ୍ରଭାବ ଉଭୟ ବାମ ଓ ଦକ୍ଷିଣ ପାର୍ଶ୍ବ କେନାଲ ସହ ବିଦ୍ୟୁତ ଉତ୍ପାଦନରେ ପଡିଛି । କିନ୍ତୁ ଗତ 24ଘଣ୍ଟା ଭିତରେ ଉପର ମୁଣ୍ଡରେ ବର୍ଷା ହେବାରୁ ବର୍ତ୍ତମାନ ଜଳ ଭଣ୍ଡାରକୁ ରୁ 18,000 କ୍ୟୁସେସ ଜଳ ପ୍ରବେଶ କରୁଥିବାବେଳେ 3600 କ୍ୟୁସେସ ଜଳ କେନାଲ ମାଧ୍ୟମରେ ନିଷ୍କାସିତ ହେଉଛି।
ସମ୍ବଲପୁରରୁ ଜୁଷ୍ମନ ରଣା, ଇଟିଭି ଭାରତ
