ସମ୍ବଲପୁର: ହୀରାକୁଦ ଡ୍ୟାମରୁ 8 ଟି ଗେଟ ଦେଇ ବନ୍ୟା ଜଳ ନିଷ୍କାସନ ହେଉଛି। ଗତ କିଛି ଦିନ ହେଲା 5 ଟି ଗେଟ ଦେଇ ବନ୍ୟା ଜଳ ନିଷ୍କାସନ ହେଉଥିବା ବେଳେ ଗତ ରାତିରେ ଆଉ 2ଟି ଗେଟ ଖୋଲା ଯାଇଥିଲା । ଶନିବାର ସକାଳୁ ଆଉ ଗୋଟିଏ ଗେଟ ଖୋଲାଯାଇଛି। ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ତର 608.31 ଫୁଟ ରହିଛି।
ହୀରାକୁଦରୁ 8 ଗେଟ ଦେଇ ନିଷ୍କାସିତ ହେଉଛି ବନ୍ୟାଜଳ
ଏହି ସମୟରେ ଉପର ମୁଣ୍ଡରୁ ଜଳଭଣ୍ଡାରକୁ ସେକେଣ୍ଡ ପ୍ରତି 1,48,012 କ୍ୟୁସେକ ଜଳ ପ୍ରବେଶ କରୁଛି । ଏଥିସହ 8ଟି ଗେଟ ଦେଇ ସେକେଣ୍ଡ ପ୍ରତି ହାରାହାରି 1,20,795 କ୍ୟୁସେକ ଜଳ ନିଷ୍କାସିତ ହେଉଛି । ଉପର ମୁଣ୍ଡରେ ବର୍ଷା ଜାରି ରହିଥିବାରୁ ଗେଟ ଖୋଲାଯାଇଛି ।
ସମ୍ବଲପୁରରୁ ବାଦଶାହା ଯୁଷ୍ମନ ରଣା, ଇଟିଭି ଭାରତ
