ସମ୍ବଲପୁର: ବୁଧବାର ଜିଲ୍ଲାରେ ପହଞ୍ଚିଛି ଅକ୍ସିଜେନ ପ୍ଲାଣ୍ଟର ଯନ୍ତ୍ରପାତି। ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ହେବାକୁ ଥିବା ଅକ୍ସିଜେନ ପ୍ଲାଣ୍ଟ ପାଇଁ ଏକ ଟ୍ରକ ଯୋଗେ କୋଇମ୍ବାଟୁରରୁ ଜିଲ୍ଲାରେ ପହଞ୍ଚିଛି ଏହି ଯନ୍ତ୍ର ।
ଏନେଇ ସମ୍ବଲପୁର ସିଡିଏମଓ ଶଶୀଭୂଷଣ ପଟେଲ ସୂଚନା ଦେଇଛନ୍ତି । ଏହାକୁ ଇଣ୍ଡିଆନ ଅଏଲ କର୍ପୋରେସନ ଲିମିଟେଡ଼ ପ୍ରଦାନ କରିଛି । ଆସନ୍ତା 3 ଦିନ ଭିତରେ ଏହାର ଇଞ୍ଜିନିୟର ସମ୍ବଲପୁର ଆସି ଏହାକୁ ଇନଷ୍ଟଲ କରିବେ ।
ଅକ୍ସିଜେନ ପ୍ଲାଣ୍ଟ ପାଇଁ ଆସିଲା ଜନ୍ତ୍ରପାତି
ବାୟୁମଣ୍ଡଳରୁ ଅକ୍ସିଜେନ ସଂଗ୍ରହ କରି ଏହି ଯନ୍ତ୍ର ରୋଗୀଙ୍କ ପାଇଁ ବ୍ୟବହାର ଉପଯୋଗୀ କରିବ । କୋଭିଡ ସମୟରେ ସମ୍ବଲପୁର ଜିଲ୍ଲାରେ ହୋଇଥିବା ଅକ୍ସିଜେନ ସିଲିଣ୍ଡରର ଅଭାବକୁ ଦେଖି ଜିଲ୍ଲା ପ୍ରଶାସନ ପକ୍ଷରୁ ଏହି ପ୍ଲାଣ୍ଟ ସ୍ଥାପନ କରିବାକୁ ସମ୍ବଲପୁର ଜିଲ୍ଲାପାଳ ଶୁଭମ ସକ୍ସେନା ଯୋଜନା ଆରମ୍ଭ କରିଥିଲେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
