ସମ୍ବଲପୁର: ଲକଡାଉନ ଯୋଗୁଁ ହାଇଦ୍ରାବାଦରେ ଫସି ରହିଥିବା ସମ୍ବଲପୁରର ଜଣେ ଯୁବତୀ ଏବେ ମୃତ୍ୟୁ ସହ ସଂଗ୍ରାମ କରୁଛନ୍ତି । ସମ୍ବଲପୁର ରେଙ୍ଗାଲି ବ୍ଲକର ବଇଜାପାଲି ଗାଁର ସୂର୍ଯ୍ୟ ମାଝୀ ଦୀର୍ଘ 6 ମାସ ହେଲା ହାଇଦ୍ରାବାଦର ଏକ ସପିଂ ମଲରେ କାର୍ଯ୍ୟ କରିଆସୁଥିଲେ । ବିଗତ କିଛି ଦିନ ହେଲା ସେ ଭାବେ ଅସୁସ୍ଥ ହୋଇଯାଇଛନ୍ତି । ହେଲେ ,ଲକ ଡାଉନ ଯୋଗୁଁ ସେ ଘରକୁ ଫେରି ପାରୁ ନାହାଁନ୍ତି । ମିଳିଥିବା ସୂଚନା ଅନୁସାରେ ତାଙ୍କୁ କିଛି ଦିନ ତଳେ ହାଇଦ୍ରାବାଦର ଏକ ହସ୍ପିଟାଲକୁ ଚିକିତ୍ସା ପାଇଁ ନିଆଯାଇଥିଲା । ହେଲେ , ସେଠାରେ ତାଙ୍କ ମୁଣ୍ଡରେ ଟ୍ୟୁମର ହୋଇ ପାଣି ଜମିଯାଇଥିବା ଡାକ୍ତର କହିଥିଲେ । ତେବେ ଏହି ରୋଗର ଚିକିତ୍ସା ପାଇଁ ବହୁତ ଖର୍ଚ୍ଚ ଆବଶ୍ୟକ ପଡ଼ୁଥିବାରୁ ତାଙ୍କୁ ହସ୍ପିଟାଲରୁ ଫେରାଇ ଅଣାଯାଇଥିଲା ।
ବର୍ତ୍ତମାନ ସେ କୁକଟପଲ୍ଲୀ ଅଞ୍ଚଳରେ ଭଡା ଘରେ ଚିକିତ୍ସା ନ ପାଇ ପଡି ରହିଛନ୍ତି । ଚିକିତ୍ସା ପାଇଁ ସ୍ଥାନୀୟ ସରକାର ସହାୟତା କରନ୍ତୁ ବୋଲି ସୂର୍ଯ୍ୟଙ୍କ ଦେଖାଶୁଣା କରୁଥିବା ଅନୁଗୋଳର ଜଣେ ଯୁବକ ଗୋବିନ୍ଦ କହିଛନ୍ତି। ଏପଟେ ଯୁବତୀଙ୍କ ଗାଁର ସ୍ଥାନୀୟ ସରପଞ୍ଚ ଯୁବତୀଙ୍କ ଚିକତ୍ସା ସରକାରଙ୍କ ତରଫରୁ କରାଯାଉ ବୋଲି ଅନୁରୋଧ କରିଛନ୍ତି ।
ସମ୍ବଲପୁରରୁ ବାଦଶାହା ଯୁଷ୍ମନ ରଣା, ଇଟିଭି ଭାରତ
