ସମ୍ବଲପୁର: ମହିଳାଙ୍କୁ ଗଣଦୁଷ୍କର୍ମ ଘଟଣା । 4 ଜଣ ଅଭିଯୁକ୍ତକୁ ଗିରଫ କରିବା ସହ 20 ଦିନ ଭିତରେ ଦାଖଲ ହେବ ଚାର୍ଜସିଟ । ଏଥିସହ ମାମଲାରେ ପୋଲିସ ସ୍ପେସିଆଲ ପବ୍ଲିକ ପ୍ରସିକ୍ୟୁଟର ରଖିବ ବୋଲି ମଧ୍ୟ ସୂଚନା ଦେଇଛନ୍ତି ଏସପି ।
ସମ୍ବଲପୁର ଗଣଦୁଷ୍କର୍ମ ଘଟଣା, 4 ଗିରଫ
ସମ୍ବଲପୁର ଅଇଁଠାପାଲି ଗଣଦୁଷ୍କର୍ମ ଘଟଣାରେ ପୋଲିସ 4 ଜଣ ଅଭିଯୁକ୍ତଙ୍କୁ ଗିରଫ କରିଛି । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସମ୍ବଲପୁର ଏସପି କନୱର ବିଶାଳ ସିଂ । ପୀଡିତାଙ୍କ ବୟାନକୁ ଆଧାର କରି ଥାନାରେ ମାମଲା ରୁଜ୍ଜୁ ହୋଇଥିବା ବେଳେ ଡାକ୍ତର ମାଇନା ପରେ କୋର୍ଟଚାଲାଣ କରାଯିବ । ଏହି ଘଟଣାରେ ସମସ୍ତ ପ୍ରମାଣ ପୋଲିସ ସଂଗ୍ରହ କରିଥିବାବେଳେ ରେଡ଼ ଫ୍ଲାଗ ମାମଲା ଭାବେ ପୋଲିସ ଏହାକୁ ଗୁରୁତର ସହ ନେଇଛି । ତଦନ୍ତ ଟିମରେ ଜଣେ ଡିଏସପି ପାହ୍ୟାର ମହିଳା ପୋଲିସ ଅଧିକାରୀଙ୍କୁ ସାମିଲ କରାଯାଇଛି ।
ସମ୍ବଲପୁରରୁ ଜୁସ୍ମନ ରଣା, ଇଟିଭି ଭାରତ
