ରାଉରକେଲା: ରାଉରକେଲା ଷ୍ଟେସନ ପରିସରରେ ଦୀର୍ଘ ଦିନ ଧରି ଲାଗି ରହିଛି ଅନିୟମିତତା । ସ୍ମାର୍ଟ ସିଟିର ଏହା ମଡେଲ ଷ୍ଟେସନ ସିନା କିନ୍ତୁ ଏକ ଛୋଟ ଷ୍ଟେସନ ଭଳି ଲୋକ ନାହିଁନଥିବା ହଇରାଣ ହେଉଛନ୍ତି । ଷ୍ଟେସନ ପରିସରରେ ପାର୍କିଂ ବ୍ୟବସ୍ଥା ସମ୍ପୂର୍ଣ ଭାବରେ ଭୁଶୁଡି ପଡ଼ୁଛି । ଯେଉଁ କାରଣରୁ ଷ୍ଟେସନ ପରିସରରେ ଅଯଥା ଭିଡ ଜମି ରହୁଛି । ଯଦି କୌଣସି ଅଘଟଣ ଘଟେ ତେବେ ଏହା ମଧ୍ୟକୁ ଫାୟାର ବିଗ୍ରେଡ ପଶିବା ମଧ୍ୟ ଏକ ଚ୍ୟାଲେଞ୍ଜ ହୋଇଯାଇଛି ।
କିଛିଦିନ ପୂର୍ବରୁ ଷ୍ଟେସନ ପରିସରରେ ପ୍ରି-ପେଡ ଅଟୋ ସେବା ଆରମ୍ଭ କରାଯାଇଥିଲା । ଯାହା ଯାତ୍ରୀଙ୍କୁ ସୁରକ୍ଷା ଦେବା ସହ ଠକାମିରୁ ଲୋକଙ୍କୁ ବଞ୍ଚାଉଥିଲା । କିନ୍ତୁ ଏବେ ପ୍ରିପେଡ ସେବା ବନ୍ଦ ହେବା ଯୋଗୁଁ ଯାତ୍ରୀମାନେ ଠକାମିର ଶିକାର ହେଉଛନ୍ତି ।
ଷ୍ଟେସନରେ ପ୍ରବେଶ ତଥା ବାହାରିବା ପାଇଁ ଅଲଗା ବାଟ ରହିଛି କିନ୍ତୁ ପୋଲିସ ତଥା ଆରପିଏଫ ଏହାକୁ କାର୍ଯ୍ୟକାରୀ କରିପାରୁନ ଥିବାରୁ ସବୁ ସମୟରେ ଦୁର୍ଘଟଣାର ସମ୍ଭାବନା ଦେଖାଯାଉଛି । ତେଣୁ ଷ୍ଟେସନ ପରିସର ଅନିୟମିତତାକୁ ଦୂର କରିବା ପାଇଁ ଜିଲ୍ଲା ତଥା ରେଳ ପ୍ରଶାସନ ମିଶି ସ୍ମାର୍ଟ ସିଟିର ଏହି ମଡେଲ ଷ୍ଟେସନ ଭଳି ଠିକ କରିବା ଦିଗରେ ଗୁରୁତ୍ବ ଦେବା ଆବଶ୍ୟକ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
