ରାଉରକେଲା: ବରିଷ୍ଠ କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମଙ୍କ ଗିରଫଦାରୀକୁ ସାଂସଦ ଅପରାଜିତାଙ୍କ ସମର୍ଥନ । ଏଭଳି ହେବାର ଥିଲା ଓ ଠିକ ହୋଇଛି ବୋଲି କହିଛନ୍ତି ସାଂସଦ। ପ୍ରଥମ ଥର ରାଉରକେଲା ଗସ୍ତରେ ଯାଇଥିବାବେଳେ ଗଣମାଧ୍ୟମକୁ ଏଭଳି କହିଛନ୍ତି ଶ୍ରୀମତୀ ଅପରାଜିତା ଷଡଙ୍ଗୀ ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ପ୍ରଥମ ଥର ସାଂସଦ ହୋଇଥିବା ଅପରାଜିତା ଦିନିକିଆ ଗସ୍ତରେ ରାଉରକେଲା ଯାଇଛନ୍ତି । ଗସ୍ତକୁ ନେଇ ରେଳ ଷ୍ଟେସନରେ ବିଜେପି ନେତା ନିହାର ରାୟ, ଜଗବନ୍ଧୁ ବେହେରାଙ୍କ ସମେତ ବହୁ ଦଳୀୟ କର୍ମୀ ସ୍ବାଗତ କରିଛନ୍ତି । ବିଜେପିରେ ସେ ନୂଆ ହୋଇଥିବାରୁ ଦଳର ପୁରୁଖା ନେତାଙ୍କ ସହ ତାଙ୍କୁ ମିଶିବାକୁ ସୁଯୋଗ ମିଳିବ । ଏଥିସହ ସେ ଏନଆଇଟି ଓ ବେଦବ୍ୟାସ ଗୁରୁକୂଳ ଆଶ୍ରମ କାର୍ଯ୍ୟକ୍ରମରେ ଯୋଗ ଦେବାର କାର୍ଯ୍ୟକ୍ରମ ରହିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
