ରାଉରକେଲା: ରଙ୍ଗର ପର୍ବ ହୋଲିକୁ ନେଇ ଚାରିଆଡେ ଉତ୍ସବର ମାହୋଲ । ଆଜି ପିଲା ଠାରୁ ବୁଢା ସଭିଏଁ ନିଜକୁ ରଙ୍ଗ ଖେଳରେ ହଜେଇ ଦେଇଥିଲେ । ସେହିପରି ରଙ୍ଗର ଏ ପର୍ବରେ ନିଜକୁ ସାମିଲ କରିଥିଲେ ରାଜନେତା । ଅନ୍ୟମାନଙ୍କ ଭଳି ସବୁକିଛି ଭୁଲି କର୍ମୀ ଓ ସାଧାରଣଜନତାଙ୍କ ସହ ନେତାମାନେଖେଳିଥିଲେ ହୋଲି । ଷ୍ଟିଲ ସିଟି ରାଉରକେଲାରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ନିର୍ବାଚନକୁ ନେଇ ରାଉରକେଲାରେ ରାଜନୈତିକ ବାତାବରଣ ସରଗରମ ଥିଲା ବେଳେ ରଙ୍ଗ ଖେଳରୁ ଦଳୀୟ ପ୍ରଚାର ଆରମ୍ଭ କରିଛନ୍ତି ଉଭୟ ଶାସକ ଦଳ ଓ ବିରୋଧି । ଉଭୟ ବିଜେଡି ଓ ବିଜେପିର ନେତା ଓ କର୍ମୀ ମାନେ ପରସ୍ପରକୁ ଅବିର ବୋଳି, ମିଠା ଖୁଆଇ ହୋଲି ମନାଇଥିଲେ । ହୋଲି ଅବସରରେ ବିଜେଡି ପାର୍ଟି କାର୍ଯ୍ୟାଳୟରେ ପୂର୍ବତନ ମନ୍ତ୍ରୀ ଓ ତାଙ୍କ ସମର୍ଥକ ଏକତ୍ରିତ ହୋଇ ରଙ୍ଗ ବୋଳି ଦଳୀୟ ପ୍ରଚାର ପାଇଁ ଅଣ୍ଟା ଭିଡିଥିଲେ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
