ରାଉରକେଲା: ସ୍ତ୍ରୀକୁ ଭୁଜାଲିରେ ଆକ୍ରମଣ କରି ପାଇଲଟ ସ୍ବାମୀ ଟ୍ରେନ ଆଗରେ ଡେଇଁ ଆତ୍ମହତ୍ୟା କରିବାକୁ ଉଦ୍ୟମ । ଏଭଳି ଘଟଣା ଦେଖିବାକୁ ମିଳିଛି ରାଉରକେଲ ବନ୍ଧମୁଣ୍ଡା ରେଳ ଥାନା ଅନ୍ତର୍ଗତ ଡିଜେଲ କଲୋନୀରେ ଏକ ଅଭାବନୀୟ ଘଟଣା ଘଟିଛି ।
ସୂଚନା ଅନୁଯାୟୀ ମାଲ ଗାଡି ଟ୍ରେନ ଡ୍ରାଇଭର ଫିରୁ ବଡାଇକ ସ୍ତ୍ରୀ ସୁଚିତାଙ୍କ ସହ ବନ୍ଧମୁଣ୍ଡା ଡିଜେଲ କଲୋନୀ 167/3 ରେଳବାଇ କ୍ବାର୍ଟରରେ ରହନ୍ତି । ତାଙ୍କର ବଡ଼ପୁଅ ମେଡିକାଲ ପଢ଼ୁଥିବା ବେଳେ ସାନ ପୁଅ ସ୍କୁଲର ପଢୁଛନ୍ତି । କୌଣସି କାରଣରୁ ସ୍ବାମୀ ସ୍ତ୍ରୀ ମଧ୍ୟରେ ବୁଧୁବାର ଭୋରୁ ଝଗଡା ହୋଇଥିଲା । ଏହାପରେ ଉତକ୍ଷିପ୍ତ ହୋଇ ସ୍ବାମୀ ଫିରୁ ସ୍ତ୍ରୀ ସୁଚିତାଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରି ଲହୁ ଲୁହାଣ କରିଦେଇଥିଲେ ।
ପଡୋଶୀ ମାନେ ସୁଚିତାଙ୍କୁ ହସ୍ପିଟାଲ ପଠାଇଥିବା ବେଳେ ଟ୍ରେନର ଆସିଷ୍ଟାଣ୍ଡ ପାଇଲଟ ସ୍ବାମୀ ଆତ୍ମହତ୍ୟା ଉଦ୍ୟମ କରି ଗୋଟିଏ ଗୋଡ ହରାଇଥିଲେ । ଅନ୍ୟପକ୍ଷରେ ସ୍ତ୍ରୀ ସ୍ବାମୀର ଭୁଜାଲି ଚୋଟରେ ଗୁରୁତର ଆହତ ହୋଇ ସଙ୍କଟାପନ୍ନ ଅବସ୍ଥାରେ ରହିଛନ୍ତି ।ଏବେ ଉଭୟଙ୍କୁ IGH ରେ ଚିକିତ୍ସା କରାଯାଉଛି । ରେଳବାଇ ପୋଲିସ ଘଟଣାର ଅନୁସନ୍ଧାନ କରୁଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
