ରାଉରକେଲା: ରେଳ ଷ୍ଟେସନ ନିକଟସ୍ଥ ହୋଟେଲ ପ୍ଲାଜାରୁ ଉଦ୍ଧାର ହୋଇଛି ଜଣେ ଯୁବକଙ୍କ ମୃତଦେହ । ହୋଟେଲର ରୁମ ନଂ15ରେ ଝୁଲନ୍ତା ଅବସ୍ଥାରେ ଯୁବକଙ୍କୁ ଦେଖିବାକୁ ମିଳିଥିଲା । ଏନେଇ ଖବର ପାଇ ପ୍ଲାଣ୍ଟ ସାଇଟ ପୋଲିସ ହୋଟେଲରେ ପହଞ୍ଚି ରୁମ୍କୁ ସିଲ୍ କରିବା ସହ ମୃତକଙ୍କ ସମ୍ପର୍କୀୟଙ୍କୁ ସମ୍ପର୍କ କରିବାକୁ ଚେଷ୍ଟା କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ଅନୁଯାୟୀ ମୃତକଙ୍କ ନିକଟରୁ ତାଙ୍କର ଆଧାର କାର୍ଡ ଜବତ ହୋଇଛି । ଯାହା ଅନୁଯାୟୀ ମୃତକ ଜଣଙ୍କ ନାମ ହେଉଛି ମହମ୍ମଦ ଗୌହର ଅଲ୍ଲୀ । ଗୌହରଙ୍କ ଘର ଝାଡଖଣ୍ଡର ପଶ୍ଚିମ ସିଂହଭୂମିରେ ଥିବା ମଧ୍ୟ ସେଥିରୁ ଜଣାପଡିଛି । ତେବେ ଗୌହରଙ୍କ ମୃତଦେହକୁ ଦେଖି ସେ ଆତ୍ମହତ୍ୟା କରିଥିବା ପୋଲିସ ସନ୍ଦେହ କରୁଛି ।
ଅନ୍ୟପଟେ ଘରଲୋକେ ପହଞ୍ଚିବା ପରେ ହିଁ ଆଗକୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦେଇଛି ପୋଲିସ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
