ରାଉରକେଲା: ରେଳ ବିଭାଗ ଖୋଳିଥିବା ଗାତରେ ପଡି ଚାଲିଗଲା ହାତୀ ଛୁଆର ଜୀବନ। ରାଉରକେଲା ବିଶ୍ରା ଫରେଷ୍ଟ ରେଞ୍ଜ ମହିପାଣି ଗାଁରେ ଘଟିଛି ଏହି ଅଘଟଣ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ଅନୁଯାୟୀ, ଗତକାଲି ରାତି ପ୍ରାୟ 11ଟାରେ ଗାଁ ଭିତରକୁ ପଶିଆସିଥିଲେ ହାତୀ ପଲ। ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚିଥିଲା। ଗ୍ରାମବାସୀଙ୍କ ସହାୟତାରେ ହାତୀ ପଲକୁ ଘଉଡାଇବା ବେଳେ ହାତୀ ପଲରୁ ଏକ ବର୍ଷର ହାତୀ ଛୁଆ ଗାତରେ ପଡି ଯାଇଥିଲା। ଛୁଆକୁ ଉଦ୍ଧାର ଲାଗି ହାତୀ ପଲ ଗାତ ଭିତରକୁ ମାଟି ପଥର ପକାଇଥିଲେ । ଯାହା ଫଳରେ ହାତୀ ଛୁଆର ମୃତ୍ୟୁ ହୋଇଥିଲା। ବନ ଭିଭାଗ ମୃତ ହାତୀ ଛୁଆକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
