ରାଉରକେଲା: ଏଥର ବିଜେପି ସୁନ୍ଦରଗଡ ଜିଲ୍ଲାରେ କରିଛି ରେକର୍ଡ । ବିଜେପି ପ୍ରାର୍ଥୀ ତଥା କେନ୍ଦ୍ରମନ୍ତ୍ରୀ ଜୁଏଲ ଓରାମ ନିଜ ନିକଟତମ ପ୍ରାର୍ଥୀଙ୍କ ଠାରୁ 2ଲକ୍ଷ15 ହଜାର ଅଧିକ ଭୋଟ ପାଇ ରେକର୍ଡ ସଂଖ୍ୟକ ଭୋଟରେ ବିଜୟୀ ହୋଇଛନ୍ତି । ଏହାସହ ବିରମିତ୍ରପୁର, ତାଳସେରା, ସୁନ୍ଦରଗଡ ବିଧାନସଭା ଆସନରେ ମଧ୍ୟ ବିଜେପି ବିଜୟ ଲାଭ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସେ ପଟେ ବଣାଇରୁ ସିପିଏମ ପ୍ରାର୍ଥୀ ବିଜୟ ଲାଭ କରିଛନ୍ତି । ରାଜଗାଙ୍ଗପୁର ବିଧାନସଭା ଅଞ୍ଚଳରୁ କଂଗ୍ରେସ ପ୍ରାର୍ଥୀ ଆଗରେ ଅଛନ୍ତି କିନ୍ତୁ 6ଟି ଇଭିଏମ ଖରାପ ଥିବାରୁ ପରିଣାମ ଆସିବାରେ ବିଳମ୍ବ ହୋଇଛି । କେବଳ ରାଉରକେଲା ତଥା ରଘୁନାଥପଲ୍ଲୀ ଆସନରେ ବିଜେଡି ବିଜୟ ଲାଭ କରିଛି । ଜିଲ୍ଲାରେ ବିଜେପିର ସଫଳତାକୁ ନେଇ ଆତିସବାଜି କରିଥିଲେ ବିଜେପି କର୍ମୀ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
