ରାଉରକେଲା: ବିରମିତ୍ରପୁର ଥାନା ପରିସରରେ ନାବାଳିକାକୁ ଦୁଷ୍କର୍ମ ଓ ଗର୍ଭପାତ ଘଟଣା । ଆଉ ଜଣେ ପୋଲିସ କର୍ମଚାରୀକୁ ଗିରଫ କରିଛି କ୍ରାଇମବ୍ରାଞ୍ଚ । ଗିରଫ ହୋଇଥିବା କର୍ମଚାରୀ ଜଣକ ହେଉଛନ୍ତି ହୋମଗାର୍ଡ ଗୁରୁଚରଣ ଫରିକାର । ସେ ଡ୍ରାଇଭର ଭାବରେ ଥାନାରେ କାର୍ଯ୍ୟ କରୁଥିଲେ ।
ନାବାଳିକାକୁ ଦୁଷ୍କର୍ମ ଓ ଗର୍ଭପାତ ଘଟଣା,ବନ୍ଧା ହେଲେ ଆଉ ଜଣେ ଥାନା କର୍ମଚାରୀ
ଶନିବାର ତାଙ୍କୁ ଗିରଫ କରି ସୁନ୍ଦରଗଡ଼ ସ୍ଵତନ୍ତ୍ର ପୋକ୍ସ କୋର୍ଟରେ ହାଜର କରାଯାଇଥିଲା । ହେଲେ ସେଠାରେ ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠେଇ ଦିଆଯାଇଛି । ପୂର୍ବରୁ ଏହି ମାମଲାରେ ତତ୍କାଳୀନ ବିରମିତ୍ରପୁର ଥାନା ଅଧିକାରୀ ଆନନ୍ଦ ଚନ୍ଦ୍ର ମାଝୀ ଓ ଗର୍ଭପାତ କରିଥିବା ଡାକ୍ତର ଦେବାଶିଷ ଘୋଷ ଗିରଫ ହୋଇ ଜେଲରେ ରହିଛନ୍ତି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
