ପୁରୀ: ଛେଳି ଚୋରି ଅଭିଯୋଗରେ ପୋଲିସ ପୁଅ ଗିରଫ । ପୁରୀ ବଳଙ୍ଗା ଥାନା ଖିରିଖିଆ ଗାଁ ମୁଣ୍ଡରୁ 2 ଜଣକୁ ଗିରଫ କରିଛି ପୋଲିସ । ସେମାନେ ହେଲେ ପିପିଲି ଥାନା ଅନ୍ତର୍ଗତ ଜୟୀପୁର ଗାଁର ଲୁରୁଲ ମହମ୍ମଦ ଓ ଅବଦୁଲ ସାଇ ରୁଦିନ ଖାଁ । ଅବଦୁଲଙ୍କ ବାପା ଜଣେ ଅବସରପ୍ରାପ୍ତ ପୋଲିସ କର୍ମଚାରୀ । ଛେଳି ଚୋରି ଅଭିଯୋଗରେ ପୋଲିସ କର୍ମଚାରୀଙ୍କ ପୁଅ ଗିରଫକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
ବଳଙ୍ଗା ଅଞ୍ଚଳରୁ ବାରମ୍ବାର ଛେଳି ଚୋରିକୁ ନେଇ ପୋଲିସର ମୁଣ୍ଡ ବିନ୍ଧାର କାରଣ ପାଲଟିଥିଲା । ଗୁରୁବାର ଖିରିଖିଆ ଗାଁରୁ ଛେଳି ଚୋରି କରୁଥିବା ସମୟରେ ସ୍ଥାନୀୟ ବାସିନ୍ଦା 2 ଜଣକୁ ଧରିଥିଲେ । ଶନିବାର ଦୁଇ ଅଭିଯୁକ୍ତକୁ ବଳଙ୍ଗା ପୋଲିସର ଜିମା ଦେବା ପରେ ସେମାନଙ୍କୁ କୋର୍ଟ ଚାଲାଣ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
