ପୁରୀ: ରଥ ଉପରେ ସେଲଫି ନେଇଥିବା ଦୁଇ ଯୁବକଙ୍କ ଫଟୋ ଏବେ ଭାଇରାଲ ହେବାରେ ଲାଗିଛି । ନନ୍ଦିଘୋଷ ଓ ତାଳଧ୍ଵଜ ରଥ ଉପରେ ଦୁଇଜଣ ଯୁବକ ସେଲ୍ଫି ନେଇ ସୋସିଆଲ ସାଇଟରେ ଅପଲୋଡ୍ କରିଛନ୍ତି ।
ତେବେ ଏମାନେ ସେବାୟତ କି ସେବାୟତ ନୁହନ୍ତି ସେନେଇ ସ୍ପଷ୍ଟ ହୋଇନାହିଁ । ବଳଭଦ୍ରଙ୍କ ସିଂହାସନରେ ବସି ଦୁଇଜଣ ଯୁବକ ଫଟୋ ଉଠାଇଥିବା ଦେଖିବାକୁ ମିଳିଛି । ଏହା ଚଳିତ ବର୍ଷର ଫଟୋ ବୋଲି ଏକପ୍ରକାର ସ୍ପଷ୍ଟ ହୋଇଛି । ଯେଉଁଠି ଭକ୍ତ ରଥ ସ୍ପର୍ଷ କରିପାରୁନାହାନ୍ତି ସେଠାରେ ଏହି ୨ ଯୁବକ କିପରି ରଥ ଉପରକୁ ଯାଇ ସେଲ୍ଫି ନେଲେ ବୋଲି ସାଧାରଣରେ ବଡ ପ୍ରଶ୍ନବାଚୀ ସୃଷ୍ଟି ହୋଇଛି ।
ଏହାସହ ରଥର ସାରଥୀଙ୍କ ସହ ମଧ୍ୟ ଫଟୋ ରହିଛି । ରଥ ଉପରେ ଫଟୋ ଉଠାଇବା ମନା ରହିଥିବାବେଳେ କିପରି ଏହି ଦୁଇ ଯୁବକ ଫଟୋ ଉଠାଇଲେ ତାକୁ ନେଇ ଆଗାମୀ ଦିନରେ ତଦନ୍ତ କରାଯିବ l ଅନ୍ୟପଟେ ଏହି ଦୁଇ ଯୁବକ ନିଜକୁ ଧନ୍ୟ ମଣି ସୋସିଆଲ ସାଇଟରେ କ୍ୟାପ୍ସନ ଲେଖିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
