ନିଆଳି: ବାଡିରେ ଫଳିଛି ପେନ୍ଥା ପେନ୍ଥା ବର କୋଳି । ଏହା ଖାଲି ବର କୋଳି ନୁହେଁ ବର ଥାଇଲାଣ୍ଡର ବରକୋଳି ( Thailand Jujube fruit) । ଏହାକୁ ରେଡ ଆପୋଲ ବାର (Red Apollo bar ) ବରକୋଳି କୁହାଯାଏ । ଯାହା ଏବେ ଓଡିଶା ମାଟିରେ ଫଳିଛି ।
ଦେଶ ବାହାରେ ଚାଷ ହେଉଥିବା ଏହି କୋଳି ଏବେ ପୁରୀ ଜିଲ୍ଲା ଜୁଣୁପୁର ଗାଁର ଏକ ଏକର ଜମିରେ ଚାଷ ହୋଇଛି । ଏହାକୁ ଚାଷ କରିଛନ୍ତି ଆଇନଜୀବୀ ତଥା ଚାଷୀ ଦିପ୍ତି ରଞ୍ଜନ । ଏହି କୋଳି ପାଚିଲା ସମୟରେ ସେଓ ପରି ଦେଖାଯାଏ । ରେଡ୍ ଆପୋଲ ବାର ବର କୋଳିକୁ ବ୍ୟବସାୟୀ ଦୃଷ୍ଟିରେ ରଖି ଚାଷ କରିଛନ୍ତି ଦିପ୍ତି ରଞ୍ଜନ । ଏହି ଚାଷ କେଲେ ପ୍ରଥମ ଥର ଖର୍ଚ୍ଚ ହେବ କନ୍ତୁ ପରେ ଏଥି ପ୍ରତି ଆଉ ଖର୍ଚ୍ଚାନ୍ତ ହେବାକୁ ପଡିବ ନାହିଁ । ଦିପ୍ତି ରଞ୍ଜନ ପ୍ରଧାନ ରେଡ୍ ଆପୋଲ ବାର ବରକୋଳି ଚାଷ ତିନି ମାସ ତଳେ ଆରମ୍ଭ କରିଥିଲେ। ଗଞ୍ଜାମର ଜଣେ ସାଙ୍ଗ ଏହି ଚାଷ କରୁଥିବା ଦେଖି ଦିପ୍ତି ରଞ୍ଜନଙ୍କ ଆଗ୍ରହ ବଢିଥିଲା । କଲିକତାରୁ ରେଡ୍ ଆପୋଲ ବାର ଚାରା କ୍ରୟ କରି ଚାଷ କରିଛନ୍ତି ଦିପ୍ତି ରଞ୍ଜନ ।
କୋଲକାତାରୁ ପ୍ରାୟ ୫୦୦ ଶହ ଚାରା ଆଣି ତିନି ମାସ ତଳେ ଜମିରେ ରୋପଣ କରିଥିଲେ ଦିପ୍ତି। ଗୋଟିଏ ଚାରା ପାଇଁ ୯୦ ଟଙ୍କା ଖର୍ଚ୍ଚ କରିଥିଲେ । ଚାରା ରୋପଣ ପାଇଁ ପ୍ରଥମେ ଧାନ ଜମି ଚାଷ କରାଯିବା ସହ ସାର ଦେଇ ଚାରା ରୋପଣ କରିଥିଲେ । ତିନି ମାସର ଚାଷ ପରେ ଗୋଟିଏ ଗୋଟିଏ ଗଛରେ ୪/୫ କିଲୋ ରେଡ ଆପୋଲ ବାର ବର କୋଳି ଫଳ ହୋଇଛି ।
ଆସନ୍ତା ବର୍ଷକୁ ଗୋଟିଏ ଗଛରେ ୩୦ କିଲୋ ଫଳ ଦେବ ବୋଲି ଚାଷୀ ଦିପ୍ତି ରଞ୍ଜନ ପ୍ରଧାନ କହିଛନ୍ତି। ଏହି ରେଡ୍ ଆପୋଲ ବାର ବର କୋଳି ଓଡ଼ିଶା ବଜାରରେ କିଲୋ ପ୍ରତି ଦର ଏକ ଶହରୁ ଉର୍ଦ୍ଧ୍ବ ଟଙ୍କା ରହିଛି । ଦିପ୍ତି ରଞ୍ଜନ ନିଜ ଜମିରେ ପରୀକ୍ଷା ମୂଳକ ଭାବରେ ରେଡ୍ ଆପୋଲ ବାର ବରକୋଳି ଚାଷ କରିଛନ୍ତି । ଏକ ଏକର ଜମିରେ ୮୦ ହଜାର ଟଙ୍କା ପ୍ରଥମ ବର୍ଷ ଖର୍ଚ୍ଚ ହୋଇଥିଲା ବୋଲି କହିଛନ୍ତି ଚାଷୀ ଦିପ୍ତି । ତେବେ ତିନି ମାସରେ ଗଛରେ ଫଳ ଦେଖି ଚାଷୀ ଆହୁରି ଅଧିକ ଚାଷ ପାଇଁ ମନ ବଳାଇଛନ୍ତି।
ନିଆଳିରୁ ଉମେଶଚନ୍ଦ୍ର ମଲ୍ଲୀକ, ଇଟିଭି ଭାରତ
