ବ୍ରହ୍ମଗିରି: ରାୟରମାନନ୍ଦ ସ୍ମୃତି ପରିଷଦ ପକ୍ଷରୁ ପୁରୀ ଜିଲ୍ଲା ବ୍ରହ୍ମଗିରିସ୍ଥିତ ମହାପୁରଷ ରାୟରମାନନ୍ଦଙ୍କ ଜନ୍ମମାଟି ବେଣ୍ଟପୁର ଗ୍ରାମଠାରେ ଏକ ଆଲୋଚନା ଚକ୍ର କରାଯାଇଛି । ମହାପୁରଷ ରାୟରମାନନ୍ଦ ଏକାଧାରରେ ଜଣେ ବିଚକ୍ଷଣ ରାଜନୈତିଜ୍ଞ, ଦିଗବକ୍ତା,ତତ୍ବାଜ୍ଞାନ ସୌଯ୍ୟ, ଯୁଦ୍ଧରେ ପାରଦର୍ଶିତା, ସର୍ବୋପରି ବିବିଧ ଭାଷାରେ ପାରଦର୍ଶିତା ତାଙ୍କ ପାଖରେ ଥିଲା ।
ତାଙ୍କ ଯୁବାବସ୍ଥାରେ ଶ୍ରୀ ଜଗନ୍ନାଥ ବଲ୍ଲଭନାଟକ, ଧର୍ମନିରୂପଣ, ଦଣ୍ଡାତ୍ମକଲୀଳା, ପଦାସମୁଦ୍ର ଏବଂ ବୈଷ୍ଣବପଦାବଲି ଓଡିଶା ଆଧ୍ୟାତ୍ମିକ ସାହିତ୍ୟକୁ ରୁଦ୍ଧିମନ୍ତ କରିଥିଲା। 1503 ଖ୍ରୀଷ୍ଟାଦ୍ଦ ଠାରୁ ଗଜପତିଙ୍କ ବିଭିନ୍ନ ରାଜ କାର୍ଯ୍ୟର ପଦାଧିକାରୀ ଭାବେ ଦାୟିତ୍ବ ମଧ୍ୟ ସମ୍ଭାଳିଥିଲେ । 1510 ଖିଷ୍ଟାବ୍ଦୀରେ ଶ୍ରୀ ଚୈତନ୍ୟ ଦକ୍ଷିଣ ଭାରତ ପରିଭ୍ରମଣ କାଳରେ ରାୟରମାନନ୍ଦଙ୍କ ସହିତ ପ୍ରଥମ ସାକ୍ଷାତ ହୋଇଥିଲା । ଦୁହିଁଙ୍କ ମଧ୍ୟରେ ଆଧ୍ୟାତ୍ମିକ ବିଚାର ଓ ଆଲୋଚନା ଏତେ ମାତ୍ରାରେ ସାମଞ୍ଜସ୍ୟ ରହିଥିଲା ଯେ, ରାୟରମାନନ୍ଦଙ୍କ ପାଖରେ ଶ୍ରୀ ଚୈତନ୍ୟ 10 ଦିନ ରହିଯାଇଥିଲେ ।
କିନ୍ତୁ ସେହି ମହାପୁରୁଷ ଓ ତାଙ୍କ ଜନ୍ମମାଟିକୁ ସରକାର ଅଣଦେଖା କରିଥିବା ସ୍ମୃତି ପରିଷଦ ଅଭିଯୋଗ କରିଛନ୍ତି । ତା ସହିତ ତାଙ୍କ ଜନ୍ମମାଟିକୁ ପର୍ଯ୍ୟଟନ ମାନ୍ୟତା ଓ ତାଙ୍କ ଆବିର୍ଭାବ ଏବଂ ତିରୋଧାନ ଦିବସକୁ ସଂସ୍କୃତି ବିଭାଗ ନିଜ କ୍ୟାଲେଣ୍ଡରରେ ସ୍ଥାନ ଅଳଙ୍କୃତ କରିବା ପାଇଁ ଦାବି କରିଛି ସ୍ମୃତି ପରିଷଦ ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
