ପୁରୀ: କଂଗ୍ରେସ ଦଳକୁ ଧନ୍ୟବାଦ ଦେଲେ ପିପିଲି ପ୍ରାର୍ଥୀ ବିଶ୍ବକେଶନ । ଦଳ ମତେ ଭରସା କରିଥିବାରୁ ଶୀର୍ଷ ନେତୃତ୍ବକୁ ଧନ୍ୟବାଦ ଜ୍ଞାପନ କରିଛନ୍ତି । ଆଗକୁ ଦଳ ପାଇଁ ଲଢେଇ ଜାରୀ ରଖିବି ବୋଲି କହିଛନ୍ତି । ଆଗାମୀ ନିର୍ବାଚନରେ ଉଭୟ ବିଜେଡି ଓ ବିଜେପି ବିରୋଧରେ ଜୋରଦାର ଲଢେଇ ହେବ ବୋଲି କହିଛନ୍ତି ।
ପିପିଲିରେ କଂଗ୍ରେସ ପ୍ରାର୍ଥୀ ଭାବରେ ନିର୍ବାଚନ ଲଢ଼ିବେ ବିଶ୍ଵ କେଶନ ହରିଚନ୍ଦନ ମହାପାତ୍ର । ବିଶ୍ଵ ଡେଲାଙ୍ଗ ରେଙ୍ଗାଲ ଅଞ୍ଚଳର ବାସିନ୍ଦା ହେଉଛନ୍ତି ବିଶ୍ବ କେଶନ । ସେ ଅଜିତ ମଙ୍ଗରାଜଙ୍କର ସହଯୋଗୀ ଭାବରେ ପରିଚିତ ଥିବା ବେଳେ ତାଙ୍କୁ କଂଗ୍ରେସ ଭରସା କରି ଟିକେଟ ପ୍ରଦାନ କରିଛି । ସେହିପରି ପିପିଲିରେ କଂଗ୍ରେସ ଭଲ ପ୍ରଦର୍ଶନ କରିବ ବୋଲି କଂଗ୍ରେସ କର୍ମୀ କହିଛନ୍ତି।
ସୂଚନାଥାଉକି, ପିପିଲି ଉପନିର୍ବାଚନ ପ୍ରାର୍ଥୀ ହୋଇଥିବା କଂଗ୍ରେସ ନେତା ଅଜିତ ମଙ୍ଗରାଜଙ୍କ ଦେହାନ୍ତ ହୋଇଥିଲା । ଏହା ପରେ ଦଳ ତାଙ୍କ ସ୍ତ୍ରୀଙ୍କୁ ମଧ୍ୟ ନିର୍ବାଚନ ରଣାଙ୍ଗନାରେ ଓହ୍ଲାଇବା ପାଇଁ ଚେଷ୍ଟା କରିଥିଲା । କିନ୍ତୁ ଅଜିତ ମଙ୍ଗରାଜଙ୍କ ପତ୍ନୀ ପ୍ରାର୍ଥୀ ହେବାକୁ ମନା କରିଦେଇଥିଲେ । ଏହା ପରେ ଶେଷରେ ବିଶ୍ବକେଶନ ମହାପାତ୍ରଙ୍କୁ କଂଗ୍ରେସ ନିଜର ପ୍ରାର୍ଥୀ ଘୋଷଣା କରିଛି । ପିପିଲିର ଆସନ୍ତା ମେ 16 ରେ ହେବ ନିର୍ବାଚନ । ମେ’ 19 ଫଳାଫଳ ଗଣତି ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
