ଭୁବନେଶ୍ବର: ଆଜି ପୁରୀ ଗସ୍ତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୁରୀ ଗସ୍ତରେ ଯାଇ ଶ୍ରୀଜିଉଙ୍କୁ ଦର୍ଶନ କରିବେ । କୋଭିଡ ମହାମାରୀ ସଙ୍କଟ ଭିତରେ ପ୍ରଥମ ଥର ମୁଖ୍ୟମନ୍ତ୍ରୀ ମହାପ୍ରଭୁଙ୍କ ଆଶିଷ ନେବେ । ମୁଖ୍ୟମନ୍ତ୍ରୀଙ୍କ ଗସ୍ତବେଳେ ପୁରୀ ଜିଲ୍ଲାପାଳ, ଏସପି, ଶ୍ରୀମନ୍ଦିର ମୁଖ୍ୟପ୍ରଶାସକ, ନୀତି ପ୍ରଶାସକ ସମେତ ବରିଷ୍ଠ ସେବାୟତ ଉପସ୍ଥିତ ରହିବେ ।
ରବିବାର ଶ୍ରୀମନ୍ଦିର ଜାତୀୟ ସ୍ମାରକୀ ପ୍ରାଧିକରଣ ପ୍ରାଧିକରଣ ପ୍ରସ୍ତାବିତ ବାଇ ଲ’କୁ ନେଇ ବିବାଦ ଦେଖାଦେଇଛି । କେନ୍ଦ୍ର ସରକାରଙ୍କ ଏହି ପ୍ରସ୍ତାବ ଆଇନକୁ ବିରୋଧ କରି ସେବାୟତ ସଂଘ ସୁପ୍ରିମକୋର୍ଟ ଯିବାକୁ ସଜବାଜ ହେଉଛନ୍ତି । ତେବେ ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ପୁରୀ ବେଳେ ସେବାୟତଙ୍କ ସହ ଆଲୋଚନା କରିବାର ସମ୍ଭାବନା ରହିଛି ।
ଜାନୁଆରୀ ମାସରେ ମନ୍ଦିର ସର୍ବସାଧାରଣ ପାଇଁ ଖୋଲାଯାଇଛି । ପ୍ରଥମେ କୋଭିଡ ରିପୋର୍ଟ ଦେଇ ସାଧାରଣଦର୍ଶନ ପାଇଁ ଅନୁମତି ଦିଆଯାଇଥିଲା । ଏହି ନିୟମକୁ ବଦଳାଯାଇ ଏବେ ବିନା ରିପୋର୍ଟରେ ଭକ୍ତ ଓ ଶ୍ରଦ୍ଧାଳୁ ଶ୍ରୀଜିଉଙ୍କୁ ଦର୍ଶନ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
