କେନ୍ଦୁଝର: ଜିଲ୍ଲାର ପାଟଣା ରେଞ୍ଜରେ ଦନ୍ତା ଆତଙ୍କ । ଗୁରୁବାର ବିଳମ୍ବିତ ରାତିରେ ପାଟଣା ରେଞ୍ଜର ବଡବିଲ, ଜମୁନାଳିଆ, ତାଳସରୁଆ, ହଲଦୀବଟା, ନୂଆଗାଁ, ଦୁବେଇପେଣ୍ଠ ଆଦି ଗ୍ରାମରେ ପଶି 5ରୁ ଊର୍ଦ୍ଧ ଘର ଭାଙ୍ଗିବା ସହ ଧାନ ଚାଉଳ ଖାଇ ନଷ୍ଟ କରିଛି । ଏଥିସହ ପନିପରିବା ଚାଷ ମଧ୍ୟ ନଷ୍ଟ କରିଥିବା ସୂଚନା ମିଳିଛି ।
କେନ୍ଦୁଝରରେ ପାଟଣା ରେଞ୍ଜରେ ଦନ୍ତା ଆତଙ୍କ
ହାତୀଟି ଏବେ ଘୁଣ୍ଟିବେଡା ଗାଁ ନିକଟ ପୁରୁଣା ପାଣି ଜଙ୍ଗଲରେ ଥିବା ନେଇ ବନ ବିଭାଗ ପକ୍ଷରୁ ସୂଚନା ମିଳିଛି । ସେପଟେ ଦନ୍ତାର ଉତ୍ପାତକୁ ନେଇ ସ୍ଥାନୀୟବାସୀ ଭୟଭୀତ ଥିବାବେଳେ ଖୁବ ଶୀଘ୍ର କ୍ଷୟକ୍ଷତିର ଆକଳନ କରି କ୍ଷତିପୂରଣ ଦେବା ସହ ହାତୀ ଘଉଡାଇବା ପାଇଁ ଲୋକେ ଦାବି କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
