କଟକ: ଓଟିଇଟି ପରୀକ୍ଷାରେ ତ୍ରୁଟିକୁ ନେଇ ଆଜି ବୋର୍ଡକୁ ଘେରିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ । ଶତାଧିକ କର୍ମୀ ଓ ପରୀକ୍ଷାର୍ଥୀ ଆଜି ବୋର୍ଡ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏହି ଅବସରରେ ଗଣଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବି କରିଛି ଏବିଭିପି ଛାତ୍ର ସଂଗଠନ ।
ଛାତ୍ର ସଂଗଠନ ଅଭିଯୋଗ କରିଛି ଯେ ଓଟିଇଟି ପରୀକ୍ଷା ପରିଚାଳନା କରିବାରେ ମାଧ୍ୟମିକ ଶିକ୍ଷା ପରିଷଦ ବିଫଳ । ଅନେକ ପ୍ରଶ୍ନପତ୍ରରେ ତ୍ରୁଟି ରହିଛି । ଅନେକ ପ୍ରଶ୍ନପତ୍ର ବିଭିନ୍ନ ଭାଷାରେ ଆସିଥିବାରୁ ପ୍ରଶ୍ନପତ୍ର ବୁଝି ପାରିନଥିଲେ ପରୀକ୍ଷାର୍ଥୀ । ଯାହାଫଳରେ ଉତ୍ତର ଲେଖିବାରେ ସମସ୍ୟା ଉପୁଜିଥିଲା । ସେଥିପାଇଁ 20 ରୁ 25 ମାର୍କ ଗ୍ରେସ ଦେବାକୁ ଦାବି କରିଛନ୍ତି ଆନ୍ଦୋଳନକାରୀ ଛାତ୍ରଛାତ୍ରୀ ।
ଅନ୍ୟପଟେ ବୋର୍ଡ ସମ୍ପାଦକ କହିଛନ୍ତି ଅଭିଯୋଗର ଅନୁଧ୍ୟାନ କରାଯିବ । ସମସ୍ତ ଅଭିଯୋଗର ଏକ ଅଭିଜ୍ଞ କମିଟି ଦ୍ବାରା ତର୍ଜମା କରାଯିବ । ତେବେ କୌଣସି ପରୀକ୍ଷାର୍ଥୀଙ୍କର କୌଣସି ସମସ୍ୟା ହେବନାହିଁ ବୋଲି ବୋର୍ଡ ସମ୍ପାଦକ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
