କଟକ: ଚୋରି ମୋବାଇଲ ଫେରାଇଲା କମିଶନରେଟ ପୋଲିସ । ବିଡାନାସୀ ଅଞ୍ଚଳରୁ ଚୋରି ହୋଇଥିବା 20ଟି ମୋବାଇଲକୁ ଉଦ୍ଧାର କରିବା ସହ ସେମାନଙ୍କ ମାଲିକଙ୍କୁ ଫେରାଇଛି ପୋଲିସ । ତେବେ ଏହି ମୋବାଇଲ ଚୋରି ମାମଲାରେ ଏଯାବତ ଅନେକ ଅଭିଯୁକ୍ତ ଗିରଫ ହୋଇ କୋର୍ଟ ଚାଲାଣ ହୋଇଛନ୍ତି । ଏହାସହ ବାକି ରହିଥିବା ମାମଲାର ତଦନ୍ତ ମଧ୍ୟ ଜାରି ରହିଛି । ଟ୍ରେସିଂ ଜରିଆରେ ଖୁବଶୀଘ୍ର ଅଭିଯୁକ୍ତକୁ ଗିରଫ କରି ମୋବାଇଲ ଉଦ୍ଧାର କରିବା ପାଇଁ ମଧ୍ୟ ପୋଲିସ ଉଦ୍ୟମ ଜାରି ରଖିଛି ।
20ଟି ଚୋରି ମୋବାଇଲ ଉଦ୍ଧାର; ମାଲିକଙ୍କୁ ଫେରାଇଲା ପୋଲିସ
ତେବେ ମୋବାଇଲ ଚୋରି ପୋଲିସ ପାଇଁ ବଡ଼ ଚ୍ୟାଲେଞ୍ଜ । କାରଣ ଏହି ତଦନ୍ତ ମଧ୍ୟରେ ଅନେକ ଟେକ୍ନିକାଲ ଦିଗକୁ ଫୋକସ କରାଯାଇଥାଏ । ତେବେ ମୋବାଇଲ ଲୁଟେରାଙ୍କୁ କଟକ ଜିଲ୍ଲାରୁ ନୁହେଁ ରାଜ୍ଯ ବାହାରୁ ମଧ୍ୟ ଗିରଫ କରାଯାଉଛି । ତେବେ ହଜିଥିବା କିମ୍ବା ଲୁଟ ହୋଇଥିବା ମୋବାଇଲକୁ ଉଦ୍ଧାର କରି ଲୋକଙ୍କୁ ଫେରସ୍ତ କରିବା ପାଇଁ ପୋଲିସର ଉଦ୍ୟମ ଚାଲିଛି ବୋଲି କହିଛନ୍ତି କଟକ ଅତରିକ୍ତ ଡିସିପି ।
କଟକରୁ ପ୍ରଭୁ କଲ୍ୟାଣ ପାଲ,ଇଟିଭି ଭାରତ
