କଟକ: ମାଟ୍ରିକ ପରୀକ୍ଷା ପରିଚାଳନା ପାଇଁ ପ୍ରସ୍ତୁତ ମାଧ୍ୟମିକ ଶିକ୍ଷା ପରିଷଦ । ପରୀକ୍ଷାର୍ଥୀମାନେ ଯେପରି କପି ନକରନ୍ତି ସେଥିପ୍ରତି ବୋର୍ଡ ପକ୍ଷରୁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ଏନେଇ ବୋର୍ଡ ସମସ୍ତ ସ୍କ୍ବାର୍ଡ ସଦସ୍ୟଙ୍କୁ ସ୍ବତନ୍ତ୍ର ତାଲିମ ପ୍ରଦାନ କରିଛି ।
ସ୍କ୍ବାର୍ଡଙ୍କୁ ତାଲିମ ଦେଲେ ବୋର୍ଡ କର୍ତ୍ତୃପକ୍ଷ
ବିଶେଷକରି ସକାଳ ୯ଟା ପୂର୍ବରୁ ପରୀକ୍ଷା କେନ୍ଦ୍ରରେ ପହଞ୍ଚିବା ପାଇଁ ସ୍କ୍ବାର୍ଡମାନଙ୍କୁ ବୋର୍ଡ ନିର୍ଦ୍ଦେଶ ଦେଇଛି । ପରୀକ୍ଷା କେନ୍ଦ୍ରରେ ପରୀକ୍ଷାର୍ଥୀମାନେ ପ୍ରବେଶ କରିବା ପୂର୍ବରୁ ସ୍କ୍ବାର୍ଡ ଟିମ୍ ସଠିକ ଭାବେ ଯାଞ୍ଚ କରିବାକୁ ବୋର୍ଡ ନିର୍ଦ୍ଦେଶ ଦେଇଛି ।
ସେହିପରି ପରୀକ୍ଷା କେନ୍ଦ୍ରରେ ପ୍ରଶ୍ନପତ୍ର ବାଣ୍ଟିବା ଠାରୁ ଆରମ୍ଭ କରି ପ୍ରଶ୍ନପତ୍ର ସୁରକ୍ଷିତ ଭାବେ ରଖିବା ପର୍ଯ୍ୟନ୍ତ ନଜର ରଖିବାକୁ ବୋର୍ଡ ଏହି ସ୍କ୍ବାର୍ଡ ସଦସ୍ୟମାନଙ୍କୁ ପରାମର୍ଶ ଦେଇଥିବା ବୋର୍ଡ ପରୀକ୍ଷା ନିୟନ୍ତ୍ରକ ଡ଼ .ନିହାର ରଞ୍ଜନ ମହାନ୍ତି ସୂଚନା ଦେଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
