କଟକ: ଦୀର୍ଘ 2ବର୍ଷ ପରେ ଓଡ଼ିଶା ଫେରିଛନ୍ତି ଜଗା-ବଳିଆ । କିନ୍ତୁ ସମ୍ପୂର୍ଣ୍ଣ ସୁସ୍ଥ ଯାଏ ଉଭୟଙ୍କୁ କଟକ ଏସସିବିରେ ରଖାଯିବ । ଦିଲ୍ଲୀ ଏମ୍ସରେ ଚିକିତ୍ସା ହୋଇ ଫେରିଥିବା ବେଳେ ଏବେ ବି ସଂକ୍ରମଣର ଭୟ ରହୁଛି । ତେଣୁ ଉଭୟଙ୍କ ଚିକିତ୍ସା ପାଇଁ ପ୍ରସ୍ତୁତ ରହିଛି ଏକ ଡାକ୍ଟର ଟିମ । ଯେଉଁଥିରେ ଅଭିଜ୍ଞ ନ୍ୟୁରୋଲୋଜି, ପେଡିଆଟ୍ରିକ, ଫିଜିଓଥେରାପି ଡକ୍ଟର ରହିଛନ୍ତି । ଆଉ ଖୁବଶୀଘ୍ର ଉଭୟଙ୍କୁ ସୁସ୍ଥ କରାଯିବା ନେଇ ଆଶା ରଖିଛି ଏସସିବି ।
ବର୍ତ୍ତମାନ ଜଗା ସମ୍ପୂର୍ଣ୍ଣ ସୁସ୍ଥ ଥିବାବେଳେ ଖେଳାକୁଦ ମଧ୍ୟ କରୁଛି । କିନ୍ତୁ ଏବେ ବି ବଳିଆର ଅବସ୍ଥା ଭଲ ନାହିଁ । ଜଗା ସ୍କୁଲକୁ ଯିବାକୁ ପ୍ରସ୍ତୁତ ହେଉଥିବାବେଳେ ବଳିଆ ପ୍ରତି ସ୍ବାସ୍ଥ୍ୟ ବିଭାଗ ଅତ୍ୟନ୍ତ ଧ୍ୟାନ ଦେଉଛନ୍ତି । ଜନ୍ମ ସମୟରୁ 2 ଭାଇ ଯୋଡି ହୋଇରହିଥିଲେ । ଯଦ୍ବାରା ଜଗା ଅପେକ୍ଷା ବଳିଆ ଦେହରେ ରକ୍ତ କମ ପ୍ରବାହିତ ହେଉଥିଲା । ତେଣୁ ବଳିଆର ଖାଦ୍ୟକୁ ଗୁରତ୍ବ ଦିଆଯାଉଛି ।
ସେପଟେ, ଖୁବଶୀଘ୍ର ଉଭୟ ଭଲ ହୋଇଯିବେ ବୋଲି ଏସସିବି ଡକ୍ଟର ଟିମ ମୁଖ୍ୟ ସୁଧାଂଶୁ ଶେଖର ମିଶ୍ର କହିଛନ୍ତି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
